Qazaqstanda táýelsizdik jyldary alǵash ret teatr ónerine qatysty ǵylymı eńbek jaryqqa shyqty

ASTANA. QazAqparat - Qazaqstanda táýelsizdik jyldary alǵash ret teatr ónerine qatysty ǵylymı eńbek jaryqqa shyqty. QR Prezıdenti Ákimshiligi Qazaqstan halqy Assambleıasy Hatshylyǵynyń sektor meńgerýshisi Názıpa Shanaı málim etti.

«Qazaqstan halqy Assambleıasynyń aıasynda M. Áýezov atyndaǵy Óner ınstıtýty «Qazaqstannyń sahna óneri» atty ujymdyq monografııany shyǵardy. Bul - táýelsizdik jyldary tuńǵysh ret teatr ónerine qatysty shyǵyp otyrǵan ǵylymı zertteý. Týyndy óte qyzyqty, óıtkeni osy baǵytta zertteý jasap júrgen aspıranttarǵa, ǵalymdarǵa óner tarıhyn zertteýge múmkindik beredi», - dedi ol.

Onyń sózine qaraǵanda, bul shyǵarma qarapaıym oqyrmandardyń da qyzyǵýshylyǵyn týdyrady.

«Munda teatr tarıhy ǵana emes, halyqqa rýhanı azyq beretin keıbir óner baǵyttarynyń qyzyqty tustary da qamtylyp otyr», - dep túıdi sózin N.Shanaı.