Qazaqstanda «Táýelsizdik urpaqtary» ulttyq jobasy daıarlanady

NUR-SULTAN. QazAqparat – QR Premer-Mınıstriniń orynbasary Eraly Toǵjanov QR Aqparat jáne qoǵamdyq damý mınıstrligine birqatar mindetterdi júktedi, dep habarlaıdy QazAqparat tilshisi.

«Pandemııa qaıyrylymdylyq máseleleri boıynsha ázirlenip jatqan zań jobasy aıasynda adamdar arasynda ózara kómekti damytýdyń mańyzdylyǵyn kórsetti. Qaıyrymdylyq baǵdarlamalaryna bıznestiń qatysýyn yntalandyrý boıynsha jańa tetikterdi qarastyrý kerek», - dedi E. Toǵjanov atalǵan mınıstrliktiń keńeıtilgen alqa májilisinde.

Sonymen qatar ol «Táýelsizdik urpaqtary» ulttyq jobasyna qatysty toqtaldy.

«Táýelsizdiktiń 30 jyldyǵy aıasynda «Táýelsizdik urpaqtary» ulttyq jobasyn ázirleý kerek. Ol boıynsha qazirgi kezde naqty usynystar bar, sondyqtan sizdermen osy baǵytta jumys isteımiz. Ulttyq joba aıasynda qazaqstandyq jastardyń ózekti problemalaryn sheshýdiń naqty qadamdary eskerilýi tıis», - dedi Eraly Toǵjanov.