Qazaqstanda táýekeldi basqarýdyń biryńǵaı júıesi bolmaǵandyqtan qarjy tıimsiz jumsalady - A.Mýrzın
ASTANA. QazAqparat - Qazaqstanda táýekelderdi basqarýdyń biryńǵaı júıesi bolmaǵandyqtan qarjy tıimsiz jumsalady. Bul týraly búgin «Qazaqstan Respýblıkasynda memlekettik aýdıtke kóshýdiń ózekti máseleleri» taqyrybynda ótken dóńgelek ústel barysynda «Qarjylyq buzýshylyqtardyń zertteý ortalyǵy» RMK-nyń dırektory Almat Mýrzın málim etti.
«Qazirgi ýaqytta táýekelderdi basqarý júıesi bólshektengen, barlyq organdardyń ózderiniń júıesi bar. Qazaqstan Respýblıkasynda táýekelderdi basqarýdyń biryńǵaı júıesiniń bolmaýy memlekettik qarjylyq baqylaý organdarynyń baqylaý is-sharalaryn tıimsiz josparlaý men eńbek qarjy resýrstaryn tıimsiz qoldanýǵa ákeledi», - dedi ol.
A.Mýrzınniń aıtýynsha, qazirgi ýaqytta 2014-2016 jyldarǵa arnalǵan salyq túsimderi boljamynyń stsenarııi ázirlengen. Almaty men Qyzylorda oblystaryn úlgi retinde ala otyryp, salyq áleýmetin baǵalaýdyń ádistemelik nusqaýlyǵy jobasy beıimdelgen. «Qazaqstanda salyq áleýeti kórsetkishin engizý bıýdjetaralyq qatynastardy retteýdiń jańa ádisin usynýǵa, salyq qatynastaryn jetildirýge jáne respýblıkalyq pen jergili bıýdjetke salyq túsimderin barynsha naqty boljaýǵa múmkindik beredi», - dedi ortalyq basshysy.
