Qazaqstanda taýarlardyń sapa standarty qaıta qaralady
«Ekonomıkanyń halyqaralyq transformatsııalanýy jaǵdaıynda ishki saýda salasy da aıtarlyqtaı ózgeristi talap etedi. Bul rette bizge ónimderimizdiń básekege qabilettiligi máselesine nazar aýdarǵanymyz jón. Osy oraıdaǵy jumystar Prezıdent Qasym-Jomart Kemeluly Toqaevtyń saılaýaldy tuǵyrnamasy aıasyndaǵy tapsyrmalaryn júzege asyrý úshin júrgiziledi. Onda naryqta sapaly, básekege qabiletti, eń bastysy qaýipsiz otandyq ónimderdi molaıtý týraly naqty aıtylǵan», - dedi mınıstr vedomstvonyń Memleket basshysynyń taıaýdaǵy Joldaýynyń negizgi baǵyttaryn túsindirýge arnalǵan alqa otyrysynda.
Ol taýar sáıkestiginiń sapa standarty da qaıta qaralatyndyǵyn atap ótti.
«Búgingi kúni atalǵan standarttar tizilimin tolyqtyrý úshin halyqaralyq standarttar pýlyn ázirledik. Qazirgi ýaqytta biz olardy ónimniń sapasy men básekege qabilettiligi turǵysynan qaıta qarastyrýymyz qajet. Bul rette saýda-taratý ortalyqtary jelisin qurý syndy jańa baǵyttar bolady», - dedi Baqyt Sultanov.
