Qazaqstanda taýarlardy tańbalaýdyń jańa erejeleri bekitildi
ASTANA. KAZINFORM — Byltyr elimizde aıaq kıim tańbalana bastaǵan. Bıyl tańbalaýdyń jańa erejeleri engizildi.
— Ónerkásip jáne qurylys mınıstriniń 2025 jylǵy 28 qańtardaǵy № 26 buıryǵymen tańbalaýǵa jatatyn aıaq kıim taýarlarynyń aınalymyn júzege asyratyn zańdy tulǵalar men dara kásipkerlerge taýarlardy ishki tutyný nemese keri ımport úshin shyǵarý rásimimen ornalastyrǵannan keıin olardy tańbalaýǵa ruqsat etiletin qoıma úı-jaılarynyń tizbesi bekitildi. Qoıma úı-jaılarynyń tizbesi toqsan saıyn jańartylyp otyratyn bolady, — delingen mınıstrlik Ónerkásip komıtetiniń habarlamasynda.
Qoıma úı jaılarynyń tizbesine engizý úshin «Aıaq kıim taýarlaryn tańbalaý jáne qadaǵalaý qaǵıdalaryn bekitý týraly» Qazaqstan Respýblıkasy Indýstrııa jáne ınfraqurylymdyq damý mınıstriniń 2021 jylǵy 30 qyrkúıektegi № 518 buıryǵyn basshylyqqa alý qajet.
Importtaýshylar qaǵaz jáne/nemese elektrondyq túrde Ónerkásip jáne qurylys mınıstrliginiń atyna jeke qoıma úı-jaılaryn qoıma úı-jaılarynyń tizbesine qosý úshin kelesi qujattardy qosa otyryp ótinish beredi:
- qoıma úı-jaıynyń menshik, sharýashylyq júrgizý, jedel basqarý jalǵa alý quqyǵynda nemese ózge de zańdy negizde bolýyn rastaıtyn qujattar;
- kólik quraldarynyń aýmaqqa kirýin jáne qoıma úı-jaıynyń aýmaǵynan shyǵýyn, adamdardyń qoıma úı-jaıyna kirýin jáne odan shyǵýyn baqylaý júıeleriniń tehnıkalyq sıpattamalary, ornalasqan jerleri, beınebaqylaý quraldary, kólik quraldarynyń kirýin jáne adamdardyń qoıma úı-jaıynyń aýmaǵyna kirýin baqylaýǵa, sondaı-aq bolǵan oqıǵalar týraly beıne aqparatty kórý úshin beınebaqylaý quraldaryna kirýge jaýapty adamdardyń baılanys derekteri týraly málimetter;
- kórsetilgen jabdyqqa arnalǵan qujattardyń elektrondyq kóshirmelerin jáne jabdyqtyń fotosýretterin qosa bere otyryp, taýarlardy sáıkestendirý quraldarymen tańbalaýǵa arnalǵan jabdyq týraly málimetterdi eskere otyryp ótinish jibere alady.
Osyǵan deıin habarlanǵandaı, elimizde aıaq kıim tańbalaýǵa qansha somada aqsha kerektigi aıtyldy.