Qazaqstanda taýarlar, jumys pen qyzmet kórsetýlerdiń jergilikti úlesi 62 paıyzdan asty

ASTANA. QazAqparat - Qazaqstanda taýarlar, jumys pen qyzmet kórsetýlerdiń jergilikti úlesi 62,6 paıyzǵa jetti. Bul týraly búgin Astanada "Qazaqstandyq ónim jasaımyz" atty V forýmynda QR Indýstrııa jáne jańa tehnologııalar mınıstrliginiń jaýapty hatshysy Beıbit Atamqulov málim etti.

"2013 jyldyń qorytyndysy boıynsha taýarlar, jumys pen qyzmet kórsetýlerdiń jalpy kólemi shamamen 8 trln. teńge boldy. Sonyń ishinde 5 trln. teńgesi otandyq kásiporyndardyń úlesinde. Taýarlar, jumys pen qyzmet kórsetýlerdiń jergilikti úlesi 62,6 paıyzǵa jetti. Sońǵy úsh jylda otandyq ónimderdiń kólemi aqshalaı kólemde 1 trln. 701 mlrd. teńgege ósken", - dep atap ótti jaýapty hatshy.

Onyń aıtýynsha, mundaı jaǵymdy dınamıkaǵa memlekettiń utymdy saıasaty, normatıvtik-quqyqtyq bazanyń jetildirilýi, eldegi ındýstrııalandyrýǵa baǵyttalǵan sheshimderi, memlekettik satyp alýlarǵa oń áser etetin ınternet resýrstardy damytý áser etip otyr. "Qazirgi tańda ulttyq kompanııalar otandyq kásiporyndarmen 800-den astam uzaqmerzimdi kelisimsharttar jasasqan", - dedi ol.