Qazaqstanda taýarlar men qyzmetterdiń qaýipsizdigine baqylaý kúsheıtiledi
Onyń qyzmetimen QR Premer-Mınıstriniń orynbasary Berdibek Saparbaev tanysty.
Komıtet tóraǵasy Lıýdmıla Bıýrabekovanyń aıtýynsha, jobalyq keńseniń qyzmeti 2019-2020 jyldary bes basym baǵytty júzege asyrýǵa baǵyttalatyn bolady: taýarlar men qyzmetterdiń sapasy men qaýipsizdigin baqylaý júıesin jetildirý; medıtsınalyq qyzmetterdiń sapasyn basqarý modelin qaıta qaraý; dárilik zattar men medıtsınalyq buıymdardyń aınalymy salasyn jetildirý; Public Health Laboratories jańǵyrtý;
«Qyzmetterdiń sáıkestigin mindetti rastaý júıesin engizý esebinen taýarlar men qyzmetterdiń sapasy men qaýipsizdigin baqylaý júıesi, sondaı - aq kedendik shekarada ónimderdi ákelý kezeńinde baqylaýdaǵy taýarlardy qaýipsizdik talaptaryna sáıkestigin baǵalaý júıesi jetildiriledi, - dedi ol.
Sondaı-aq zerthanalardy joǵary dáldiktegi 85 birlik jabdyqtarmen jabdyqtaý, jabdyqty zertteýdiń jańa verıfıkatsııalanǵan ádisterin engizý, zerthanalardy halyqaralyq standarttarǵa sáıkestigine akkredıtteý, bilim berý ortalyǵyn qurý josparlanýda.
Sonymen qatar, medıtsınalyq qyzmetterdiń sapasyn basqarý modeli qalyptastyrylatyn bolady, ol medıtsınalyq kómektiń tıimdiligin arttyrýǵa múmkindik beredi.
Sonymen qatar, biz Dúnıejúzilik Densaýlyq saqtaý uıymynyń benchmarkıng (baǵalaý) nátıjeleri boıynsha ulttyq retteýshi organnyń jetilýiniń 2 - deńgeıin alý arqyly dárilik zattar men medıtsınalyq buıymdardyń aınalymy salasyn jetildiremiz, - dep atap ótti L. Bıýrabekova.
Jobalardyń jalpy maqsaty taýarlar men qyzmetterdiń sapasy men qaýipsizdigin baqylaý júıesin jetildirý bóliginde Halyqtyń densaýlyǵy men ómirin qorǵaý júıesin jańǵyrtý bolyp tabylady.
Jobalyq keńseniń mindetteri barlyq ýákiletti memlekettik organdarmen, sonyń ishinde saýda jáne ıntegratsııa, Ulttyq ekonomıka, Indýstrııa jáne ınfraqurylymdyq damý mınıstrlikterimen jáne «Atameken» UKP ózara is-qımylda iske asyrylatyn bolady.
Sondaı-aq, densaýlyq saqtaý mınıstri Eljan Birtanov «Deni saý ult» jobalyq keńsesiniń iske asyrylý barysy týraly habardar etti. Atap aıtqanda, medıtsınalyq qyzmettiń sapasyn arttyrý jáne alǵashqy medıtsınalyq kómek kórsetý, bilikti mamandardy daıarlaý, vaktsınatsııalaý, medıtsınalyq týrızm men ınfraqurylymdy damytý máseleleri jáne basqa da ózekti máseleler talqylandy.
Keńes qorytyndysy boıynsha Berdibek Saparbaev Densaýlyq saqtaý mınıstrligine jergilikti atqarýshy organdarmen birlesip halyqaralyq tájirıbeni eskere otyryp, jedel medıtsınalyq kómek kórsetý sapasyn jaqsartý, balalardy vaktsınatsııalaýdy qamtamasyz etý, tamaqtan ýlaný men juqpaly aýrýlardyń aldyn alý máselelerin pysyqtaýdy tapsyrdy.