Qazaqstanda taýar men qyzmet baǵalaryn «shartty birlik» boıynsha kórsetýge salynǵan tyıym qatań baqylanady

ASTANA. QazAqparat - Qazaqstanda taýar men qyzmet baǵalaryn «shartty birlik» boıynsha kórsetýge salynǵan tyıym qatań túrde baqylanatyn bolady. Bul týraly búgin Ortalyq kommýnıkatsııalar qyzmeti brıfınginde QR Parlamenti Májilisiniń depýtaty Serik Ospanov aıtty.

«Qazaqstanda taýarlar men qyzmet baǵalaryn dollarmen, ıaǵnı «shartty birlikpen» kórsetýge salynǵan tyıymǵa baılanysty jumys júrgiziledi. Jáne bul jumystar qatań túrde baqylanatyn bolady», - dedi S.Ospanov. Onyń aıtýynsha, bul úshin QR Zańynda qajetti normalar qarastyrylǵan.