Qazaqstanda taýar ımportynyń qysqarýynyń basty sebepteri qandaı
«Taýar eksporty 45,5 mlrd AQSh dollaryna deıin, ıaǵnı 21,7%-ke qysqarady. Qysqarýǵa munaı men metall baǵasynyń tómendeýi, sondaı-aq OPEC+ mámilesiniń talaptaryn saqtaýǵa baılanysty munaı óndirý kóleminiń azaıýy yqpal etedi. Bul rette eksporttyń tómendeýi shıkizat sektorynda jumys isteıtin sheteldik tikeleı ınvestorlarǵa tólenýge tıis kiristiń qysqarýymen ishinara óteledi», - dedi Erbolat Dosaev Úkimet otyrysynda.
Onyń aıtýynsha, taýar ımporty da eksportpen salystyrǵanda (-15,5%-ke) qysqaryp, 33,8 mlrd AQSh dollaryn quraıdy.
«Bul Covid-19 taralýy saldarynan halyq pen bıznestiń tólem jasaý suranysynyń tómendeýine, sondaı-aq munaı-gaz sektorynda ınvestıtsııalyq jobalardy iske asyrý qarqynynyń josparly túrde tómendeýine baılanysty. Tólem balansynyń aǵymdaǵy shoty jaǵdaıynyń budan bylaıǵy dınamıkasy shıkizat naryqtaryndaǵy jaǵdaıǵa, keıinge qaldyrylǵan suranysqa jáne 2020 jyly «toqtaýdan» keıin ınvestıtsııalyq jobalardy iske asyrýdy jedeldetýge baılanysty aıqyndalady», - dedi ol.