Qazaqstanda taýar eksporty men ımportyna ruqsat berý tártibi engiziledi
ASTANA.KAZINFORM — Qazaqstan Respýblıkasynyń Saýda, ónerkásip, tsıfrlandyrý, qarjy jáne kólik mınıstrleri birlesken buıryqpen «Qazaqstan Respýblıkasynyń aýmaǵynda jekelegen taýar túrlerin eksporttaýǵa jáne ımporttaýǵa ruqsat berý» memlekettik qyzmetin kórsetý boıynsha pılottyq jobany iske qosty.
Atap aıtqanda, qujatta elimizdiń aýmaǵynda «Jekelegen taýar túrlerin Qazaqstan Respýblıkasynyń aýmaǵynda eksporttaýǵa jáne ımporttaýǵa ruqsat berý» memlekettik qyzmetin kórsetý boıynsha pılottyq jobany iske qosý delingen.
Sonymen qatar qosymsha qujatta Qazaqstan aýmaǵynan Táýelsiz Memleketter Dostastyǵyna (TMD) qatysýshy memleketterdiń aýmaǵyna jekelegen taýar túrlerin áketýge ruqsat berý qaǵıdalary kórsetilgen.
Oǵan qosa, Qazaqstanǵa oıyn avtomattaryn ákelýge de ruqsat berý tártibi engiziledi. Mundaı ruqsat kazıno jáne oıyn avtomattary zaly qyzmetine lıtsenzııasy bar zańdy tulǵalarǵa beriledi. Ruqsat elektrondy túrde rásimdelip, «KEDEN» tsıfrlyq júıesinde kórsetiledi.
Elimizdiń aýmaǵynan TMD-ǵa qatysýshy memleketterdiń aýmaǵyna jekelegen ónerkásiptik taýar túrlerin, sondaı-aq telekommýnıkatsııalyq jáne kompıýterlik jabdyqtardyń, olardyń bólshekteri men materıaldarynyń jekelegen túrlerin, avıatsııa ónerkásibiniń jekelegen taýar túrlerin áketý ruqsat bolǵan jaǵdaıda, ıaǵnı ruqsat berý tártibimen júzege asyrylady.
Aıta ketý kerek, qaǵıdalarda buryn berilgen taýarlardy áketýge arnalǵan ruqsattardyń olar berilgen merzim aıaqtalǵanǵa deıin óz kúshin saqtaıtyny belgilengen. Alaıda olardyń qoldanylý merzimi 2026 jylǵy 31 jeltoqsannan keshikpeýge tıis.
Sondaı-aq ruqsattar elektrondy túrde beriledi, ótinishter «tsıfrlyq úkimet» veb-portaly arqyly qabyldanady. Ruqsat berý merzimi — 5 jumys kúni.
Eksportqa berilgen ruqsattyń qoldanylý merzimi tıisti kúntizbelik jylmen shekteledi. Ruqsat alǵan tulǵalar onyń merzimi aıaqtalǵannan keıin 15 kúntizbelik kún ishinde ruqsattyń oryndalýy týraly aqparat usynýǵa mindetti.
Atalǵan buıryq 2026 jylǵy 23 tamyzdan bastap qoldanysqa engiziledi. Tolyq aqparatty silteme arqyly oqı alasyz.
Buǵan deıin jolaýshylar qandaı taýarlardy aqysyz ákele alatynyn jazǵanbyz.
