Qazaqstanda taýar bırjalarynyń qyzmetine qoıylatyn talaptar kúsheıtilmek
Zań jobasy taýar bırjalary qyzmetiniń talaptary men ashyqtyǵyn arttyrýǵa, bırjalyq saýdany damytý úshin básekeles orta men jaǵdaılar jasaýǵa, sondaı-aq bırjalyq saýda kólemin ulǵaıtýǵa baǵyttalǵan.
Osy qujat 2021 jylǵy 24 qarashada birinshi oqylymda maquldandy.
Jumys tobynyń zań jobasymen jumysy barysynda depýtattar bırjalyq taýar uǵymyn naqtylaýǵa, otandyq taýar óndirýshiler bolyp sanalatyn dılerlerdiń bırjalyq saýda-sattyqqa kedergisiz qatysýyna baǵyttalǵan túzetýler engizdi. Sondaı-aq kómirtegi birlikterin satatyn mamandandyrylǵan bırja jeke-dara bólip kórsetildi.
Munymen qosa, taýar bırjalarynyń qyzmetine qoıylatyn talaptardy arttyrýdy; bırjalyq saýdanyń biryńǵaı qaǵıdalaryn engizýdi jáne Saýda jáne ıntegratsııa mınıstrliginiń bırjalyq saýda qaǵıdalaryn ákimshilendirý jónindegi quzyretin kózdeıtin, sondaı-aq bırjalyq saýda salasyndaǵy naryqtyq qatynastar men básekelestik qaǵıdattaryn buzatyn normalardy alyp tastaıtyn túzetýler engizildi jáne kóterme-taratý ortalyqtarynyń uǵymy men olardyń fýnktsııalary naqtylandy.
Budan basqa, depýtattar derbes derekterdi qorǵaý máseleleri boıynsha «Memlekettik kórsetiletin qyzmetter týraly», «Derbes derekter jáne olardy qorǵaý týraly», «Aqparatqa qol jetkizý týraly», «Aqparattandyrý týraly» Qazaqstan Respýblıkasynyń zańdaryna normalar engizdi.
Osyǵan baılanysty zań jobasynyń taqyryby jańa redaktsııada jazyldy: «Qazaqstan Respýblıkasynyń keıbir zańnamalyq aktilerine saýda qyzmeti, bırjalyq saýdany damytý jáne derbes derekterdi qorǵaý máseleleri boıynsha ózgerister men tolyqtyrýlar engizý týraly».
Parlament Májilisiniń barlyq komıteti zań jobasy boıynsha oń qorytyndylar berdi.
