Qazaqstanda tasqyn sý júrý jaǵdaıy turaqty - QR TJM
ASTANA. 30 naýryz. QazAqparat /Gúlmıra Álıakparova/ - Qazaqstanda tasqyn sý júrý jaǵdaıy turaqty. Bul týraly búgin jýrnalısterge bergen suhbatynda QR Tótenshe jaǵdaılar mınıstri Vladımır Bojko málim etti.
«Bıyl bizde tasqyn sý júrý jaǵdaıy aıtarlyqtaı turaqty. Bizdi barynsha alańdatyp kelgen Syrdarııada qazir seń júrýdiń alǵashqy shebi Josalydan ótti. Onda ınjenerlik- gıdromelıoratıvti qurylystar sany aıtarlyqtaı kóp emes jáne muzdyń júrý qaýpi de az, qalǵan ýchaskelerde sý deńgeıi aıtarlyqtaı kóterilmeıdi. ıAǵnı sý basý qaýpi joq deýge bolady», - dedi mınıstr.
V.Bojkonyń aıtýynsha, bıyl tasqyn sýdyń kedergisiz ótýi Ońtústik Qazaqstan oblysyndaǵy Kóksaraı sý tospasynyń arqasynda múmkin boldy. «Qazir onda 1,5 mlrd. tekshe metr sý jınaldy. Jınalǵan sý tómengi aýmaqtarǵa, tipti Qyzylordaǵa problemalar týyndatýy múmkin edi», - dep anyqtady ol.
Mınıstrdiń sózine qaraǵanda, Shyǵys Qazaqstan oblysynda da úreılenýge negiz joq. Degenmen aımaq TJM-nyń kúshti baqylaýyna alyndy. «Barlyǵy aýa raıy jaǵdaıyna baılanysty. Keıbir jerlerde jekelegen ǵımarattardy sý basý múmkindigin de joqqa shyǵarmaımyz», - dep túıindedi vedomstvo basshysy.
