Qazaqstanda tarıhı jáne mádenı eskertkishter jańǵyrtylady
ASTANA. QazAqparat - «Mádenı muranyń» jańa besjyldyq josparynda Qazaqstannyń tarıhı jáne mádenı eskertkishterin qaıta qalpyna keltirý qamtylǵan.
Bul týraly «QazAqparat» tilshisiniń resmı saýalyna QR Mádenıet jáne sport mınıstrliginen habarlady.
Atap aıtqanda, qujat 2015-2020 jyldarǵa arnalǵan jáne qazirgi kezde tıisti memlekettik organdarmen kelisý satysynda tur.
«Atalǵan josparǵa qoldanbaly, ǵylymı arheologııalyq zertteýler boıynsha Qazaqstan tarıhy men mádenıetine qatysty kitaptardy basyp shyǵarýǵa, sondaı-aq týrızmdi, murajaı men kitaphana isin damytý, tarıh jáne mádenı eskertkishterdi qaıta qalpyna keltirý,halyqaralyq alańdarda elimizdiń mádenı murasyn nasıhattaý sekildi bólimder engizildi»,-dep atap ótilgen mınıstrlik málimetinde.
Esterińizge sala keteıik, 2004 jyly baǵdarlama qabyldanǵaly beri 78 tarıh pen mádenıet eskertkishteri qalpyna keltirildi, olardyń 28-i (35%) - 2008 ben 2011 jyldar arasynda restavratsııalanǵan. Eki eskertkish ıÝNESKO Álemdik mádenı murasyna kirdi, olar Qoja Ahmet ıAssaýı kesenesi men Tamǵaly arheologııalyq kesheni.
Damask qalasyndaǵy Sultan Áz-Zahır Beıbarys kesenesi, Kaır qalasyndaǵy Sultan Beıbarys meshiti restavratsııasy, Damaskidegi ál-Farabı tarıhı-mádenı ortalyq-kesenesiniń qurylysy sátti aıaqtaldy.
Ǵylymǵa bizdiń ata-babalarymyz tarıhy týraly málimet beretin myńdaǵan artefaktilerge 26 ǵylymı-qoldanbaly, 40 arheologııalyq zertteýler júrgizildi.
