Qazaqstanda «tarıfti ınvestıtsııaǵa aıyrbastaý» jobasy iske asyrylady
«Elektr energııasyn óndirýshi qýattardyń tozýyn 15% tómendetý maqsatynda 2035 jylǵa qaraı ınvestıtsııany 3 esege ulǵaıta otyryp, «Tarıfti ınvestıtsııalarǵa aıyrbastaý» tásilin transformatsııalaý talap etiledi. Jańartylǵan tásildiń maqsaty – qoldanystaǵy qoldaý tetikterin kúsheıtý jáne naryq tarapynan jasalatyn mindettemelerge jol bermeý. Bul jańashyldyq tehnologııa, ekologııa jáne basqarý salalaryndaǵy álemdik trendterdi eskere otyryp, salany damytýdyń uzaq merzimdi josparyn aıqyndaýǵa múmkindik beredi. Bul jańashyldyq bizdiń mınıstrlik ázirlep jatqan elektr energetıkasy salasyn damytýdyń 2035 jylǵa deıingi tujyrymdamasymen qatar júredi», - dedi Bolat Aqsholaqov Ortalyq kommýnıkatsııalar qyzmeti alańynda ótken baspasóz máslıhatynda.
Mınıstrdiń aıtýynsha, búginde elektr qýaty salasyna quıylǵan ınvestıtsııalardy qaıtarýǵa jumsalatyn qarajat kólemine lımıt belgilendi.
«Qazirgi ýaqytta lımıt 32 mlrd teńge deńgeıinde belgilendi. Mınıstrlik bul lımıtti 100 mlrd teńgege deıin ulǵaıtý máselesin pysyqtap jatyr. Bul jumys istep turǵan elektr stantsııalaryn qosymsha jańǵyrtýǵa jáne keńeıtýge múmkindik beredi. Sondaı-aq ınvestıtsııalar aǵynyn qamtamasyz etý maqsatynda qoldanystaǵy elektr qýaty tarıfin aıyna 1 MVt úshin qazirgi 590 myń teńgeden 885 myń teńgege deıin ulǵaıtý qajet. Bul jylyna qosymsha 35 mlrd teńge ınvestıtsııa tartýǵa múmkindik beredi», - deıdi ol.
