Qazaqstanda tańqýraı men qaraqat baǵasy qansha
ASTANA. KAZINFORM — Qazir elimizdiń ár óńirinde jemis-jıdek pisip, adamdar tosap daıyndap jatyr. Sonyń ishinde tańqýraı men qaraqatqa suranys artty, dep habarlaıdy Kazinform tilshisi.
Tańqýraı baǵasy Taraz qalasynda qoljetimdi. Bazarda kelisi 1 500 — 1 600 teńge bolyp tur. Al Qyzylorda qalasynda baǵa sál joǵary. Kelisi — 1 650 tenge. Oral, Taldyqorǵan, Qaraǵandy men Túrkistanda baǵa 1 800 — 2 000 teńgeden bastalady.
Almaty qalasynda tańqýraıdyń kelisi 2 200 teńgege, Jezqazǵanda 2 500 teńgege, Óskemende 2 800 teńgege, alAstanada 2 500 — 3 000 teńge.
Elimizdiń batysynda tańqýraı baǵasy joǵary. Aqtóbede kelisi 3 500 teńge, Atyraýda 3 500 — 4 000 teńge bolyp tur.
Al qaraqat baǵasy óńirlerde shamalas. Eń arzany Qaraǵandy qalasynda salytyp jatyr. Kelisi shamamen 1 400 teńgeden bastalady. Almaty men Aqtóbede kelisin 1 500 teńgege de satyp alýǵa bolady. Jezqazǵanda kelisi 1 600 teńge, Qyzylordada shamamen 2 000 teńge.
Túrkistan, Taldyqorǵan jáne Kókshetaýda qaraqat kelisiniń baǵasy 2 300 — 2 500 teńge. Shymkentte qyzyl qaraqattyń baǵasy 3 000 teńge bolsa, qarasy 3 800 teńgege jetti.
Eń joǵary baǵa Oral qalasynda bolyp tur. Munda surpyna qaraı qaraqatty 2 000 — 5 000 teńgege satyp alýǵa bolady.
Elimizdegi keıbir óńirde jıdek baǵasy kelisine qaraı emes, shelektiń lıtrine baılanysty esepteledi. Sondyqtan baǵany salystyrǵan kezde orta esebi alyndy. Baǵa óńirge ǵana emes, jıdektiń surpyna, shyǵymyna, saýda ornyna jáne jetkizý kólemine qaraı da ózgerip otyrdy.
Buǵan deıin Qazaqstanda kvasty, gazdalǵan sýsyn men sýdy qaı qalada arzanǵa satyp alýǵa bolatyny týraly jazyldy.
