Eldegi bedeldi JOO-larda oqý baǵasy qansha

Jańa oqý jylynyń bastalýyna bir aı ýaqyt qaldy. Ýnıversıtetterdiń kóbi oqý aqysyn bekitti, al talapkerler tek tańdaý jasasa bolǵany. Biri memlekettik grant nátıjesin kútse, endi biri aqyly oqýǵa ázirlikti bastady. Oqý aqysy qansha? Ár otbasynda eń mańyzdy suraq osy.

Joǵary oqý oryndarynda ortaq baǵa bekitilmegen. Baǵaǵa tek qalalardyń qaıda ornalasqanyna emes, joǵary oqý oryndarynyń bilim baǵdarlamasy tikeleı áser etedi. Bir ýnıversıtettiń ózinde oqý aqysyndaǵy aıyrmashylyq júzdegen myńǵa, keıde mıllıonǵa jetedi. Keıbirinde bir jylǵa naqty baǵa bekitse, keıbiri kredıt sanyna qaraı esepteıdi. Medıtsınalyq oqý ornynda tólem stýdenttiń kýrsyna qaraı ózgeredi.

Biz tamyz aıynyń basynda usynylǵan baǵany salystyrdyq. Mektep bitirgen túlekter kúzdizgi oqý bólimine qansha tóleıdi?

ál-Farabı atyndaǵy QazUÝ

Mektep bitirgen túlekter QazUÝ-ge tússe jylyna 1,1 mln teńgeden 1,9 mln teńgege deıin tóleıdi. Jýrnalıstıka, tarıh, geografııa, hımııa men ózge de tehnıkalyq baǵdarlama salasyn tańdaǵandar 1,1 mln teńge, bıologııa, shyǵystaný men fılologııa mamandyǵyna túsetinder 1,2 mln teńge, al densaýlyq saqtaý salasynyń oqý baǵdarlamasyn qup kórse 1,3 mln teńge aqy esepteledi. Aqparattyq qaýipsizdik fakýlteti — 1,4 mln, esepteý ınjenerııasy baǵdarlamasy — 1,5 mln teńge. Jalpy medıtsına, stomatologııa men Joǵary ekonomıka jáne bıznes mektebi baǵdarlamasyna túsý aqysy — 1,6 mln, quqyq — 1,9 mln teńge.

L. N. Gýmılev atyndaǵy EUÝ

EUÝ oqý aqysy toǵyz bólikke bólinip eseptelgen. Eń qoljetimdisi pedagogıkalyq ǵylymdary baǵytynda. Oqý aqysy — 1,6 mln teńge. Áleýmettik ǵylymdar, jýrnalıstıka, jaratylystaný ǵylymdary, matematıka, statıstıka jáne ınjenerlik, óndiristik jáne qurylys salasynyń oqý aqysy — 1,75 mln. Óner jáne gýmanıtarlyq ǵylymdar — 1,8 mln, qyzmet kórsetý salasy — 1,85 mln. Halyqaralyq qatynastar, bıznes, basqarý, quqyq jáne aqparattyq-kommýnıkatsııalyq tehnologııa jylyna — 1,9 mln teńge.

Satbayev University

Satbayev University-de oqý aqysy jylyna 1 — 1,3 mln teńge. Eń arzany bıologııa, jer ǵylymdary, sý resýrstary, menedjment, ekonomıka jáne qarjy mamandyqtary. Odan keıin geologııa, taý-ken isi, metallýrgııa men qurylys mamandyǵyna arnalǵan oqý aqysy — 1,2 mln tg. Al ІT, aqparattyq qaýipsizdik, kommýnıkatsııalyq tehnologııa, elektroenergetıka, avtomattandyrý jáne áýe kóligi baǵdarlamalarynyń oqý aqysy — 1,3 mln teńge.

Abaı atyndaǵy QazUPÝ

Abai University-de jyldyq oqý aqysy 990 myń teńgeden bastalyp, 1,25 mln teńgege deıin barady. Kóbine pedagogıka salasyn tańdaǵandar 990 myń teńge tóleıdi. Al dene shynyqtyrý, qazaq tili men ádebıeti, sonymen birge áleýmettaný, psıhologııa, halyqaralyq qatynastar, quqyq, jaratylystaný ǵylymdary men týrızm salasy mamandyǵynyń oqý aqysy — 1,045 mln teńge. Tildi oqytýǵa arnalǵan mamandyqtardyń keıbiri jylyna — 1,1 mln. Al ІT, horeografııa, beıneleý óneri, dızaın, tarıh, aýdarma isi men fılologııa mamandyǵy — 1,243 mln.

S. D. Asfendııarov atyndaǵy QazUMÝ

Mektepten keıin oqýǵa túsetin talapkerler úshin QazUMÝ-daǵy bilim berý baǵdarlamalarynyń oqý aqysy 600 myń teńgeden bastalyp, 2,1 mıllıon teńgege jetti. Eń tómen oqý aqysy «Meıirger isi» bilim berý baǵdarlamasyna tıesili. «Menedjment» mamandyǵynda oqý quny — 905 800 teńge, «Farmatsevtıkalyq óndiris tehnologııasy» — 1 111 400 teńge, «Klınıkalyq psıhologııa» — 1 230 700 teńge. «Qoǵamdyq densaýlyq saqtaý» jáne «Medıtsınalyq-profılaktıkalyq isi» baǵdarlamalary boıynsha oqý aqysy — 1,25 mıllıon teńge. «Farmatsııa» mamandyǵynda oqý — 1,45 mıllıon teńge, «Pedıatrııa» — 1,6 mıllıon teńge, «Jalpy medıtsınada» — 1,9 mıllıon teńge. Al ýnıversıtettegi eń qymbat mamandyq — «Stomatologııa». Bul baǵytta bir jyldyq oqý aqysy 2,1 mıllıon teńge.

Narxoz University

Narxoz University-de bir kredıttiń quny tańdalǵan bilim berý baǵdarlamasyna baılanysty 45 700 teńgeden 52 555 teńgege deıin ózgeredi. Bir oqý jylyndaǵy ortasha akademııalyq júkteme 62–70 kredıt. Osy baǵalardy negizge alyp eseptegende oqý quny shamamen 2,8 mıllıon teńge, al eń joǵary aqy 3,7 mıllıon teńge bolady. Bul shamamen berilgen esep. Ýnıversıtet jyldyq oqý aqysynyń biryńǵaı tarıfin ashyq derekkózderde jarııalamaǵan. Sondyqtan naqty tólenetin soma tańdalǵan baǵdarlamaǵa, bir kredıttiń qunyna jáne naqty oqý josparyna baılanysty bolady. Osy sebepti oqý aqysyn ózińiz tańdaǵan mamandyq boıynsha qabyldaý komıssııasynan naqtylaǵan jón.

Qaraǵandy medıtsına ýnıversıteti

QMU-dyń baǵa kestesinde bilim berý baǵdarlamalarymen qatar ár kýrsqa arnalǵan oqý aqysy da kórsetilgen. Barlyq mamandyq boıynsha oqý quny ár jańa kýrsta birtindep tómendeıdi. Birinshi kýrsta oqý aqysy 820 myń teńgeden 1,84 mıllıon teńgege deıin belgilengen. «Bıomedıtsına» jáne «IT-medıtsına» mamandyqtarynyń oqý quny — 820 myń teńge. «Pedıatrııa», «Qoǵamdyq densaýlyq saqtaý», «Meıirger isi» jáne «Farmatsııa» baǵdarlamalary boıynsha oqý aqysy — 1,4 mıllıon teńge. «Medıtsınalyq-profılaktıkalyq is» mamandyǵynda oqý — 1,5 mıllıon teńge, al «Jalpy medıtsına» baǵdarlamasynda — 1,55 mıllıon teńge. Eń joǵary oqý aqysy «Stomatologııa» mamandyǵyna belgilengen. Birinshi kýrsta ol 1,84 mıllıon teńgeni quraıdy. Salystyrý úshin aıtsaq, ekinshi jáne úshinshi kýrsta bolashaq stomatologtar 1,76 mıllıon teńgeden tóleıdi, tórtinshi kýrsta 1,49 mıllıon teńge, al besinshi jáne altynshy kýrstarda oqý aqysy 1,43 mıllıon teńgege bolady. Osyndaı kezeń-kezeńimen arzandaý qaǵıdaty ýnıversıtettiń barlyq bilim berý baǵdarlamasyna qoldanylady.

Astana IT University

Astana IT University-de bakalavrıattyń barlyq baǵdarlamasyna biryńǵaı oqý aqysy belgilengen. Jylyna — 2,5 mıllıon teńge. Bul tarıf «Baǵdarlamalyq ınjenerııa», «Kompıýterlik ǵylymdar», «Úlken derekterdi taldaý», «Kıberqaýipsizdik», «Intellektýaldy júıeler» jáne «Elektrondyq ınjenerııa» baǵdarlamalaryna birdeı qoldanylady. Sondaı-aq bul tizimge «IT-menedjment», «IT-kásipkerlik», «AI Business», «Medıatehnologııalar», «Tsıfrlyq jýrnalıstıka» jáne «Tsıfrlyq memlekettik basqarý» mamandyqtary kiredi. Ýnıversıtet bakalavrıatta oqý merzimi úsh jyl ekenin kórsetken. Sonymen qatar oqý sharty jasalǵannan keıin kelisimsharttaǵy baǵa ózgermeıdi.

Maqsut Narikbayev University

Maqsut Narikbayev University-diń qabyldaý paraqshasynda bir kredıttiń quny 55 myń teńge, al jyldyq oqý júktemesi 60 kredıt ekeni kórsetilgen. Osyǵan sáıkes stýdent úshin bir oqý jylynyń quny shamamen 3,3 mıllıon teńge bolady. Bul tarıf tórt jyldyq baǵdarlamalardyń basym bóligine qoldanylady. Olardyń qatarynda aýdarma isi, psıhologııa, jýrnalıstıka, bıznes baǵyttary, quqyqtaný, jasandy ıntellekt jáne týrızm bar.

Al 2026–2027 oqý jylyna arnalǵan bekitilgen tizilimde «Halyqaralyq qatynastar» mamandyǵy boıynsha bir kredıttiń quny 65 myń teńge dep kórsetilgen. ıAǵnı bul baǵdarlama boıynsha 60 kredıttiń eseptik quny shamamen 3,9 mıllıon teńge bolady. Degenmen mamandyqtyń naqty oqý aqysyn qabyldaý komıssııasynan naqtylaý qajet.

Miras University

Miras University-diń qoldanystaǵy baǵa kestesine sáıkes bakalavrıattyń barlyq bilim berý baǵdarlamasy boıynsha oqý aqysy jylyna 600 myń teńge bolyp belgilengen. Bir kredıttiń quny — 10 myń teńge, al ortasha jyldyq oqý júktemesi — 60 kredıt. Jyldyq oqý aqysynyń jalpy somasy ýnıversıtettiń resmı paraqshasynda da kórsetilgen. Biryńǵaı tarıf pedagogıka jáne psıhologııa, muǵalimderdi daıarlaý, óner, jýrnalıstıka, bıznes jáne basqarý, quqyq, IT, telekommýnıkatsııa jáne qyzmet kórsetý salasyndaǵy barlyq bakalavrıat baǵdarlamasyna qoldanylady.

Eske salaıyq, UBT tapsyrǵan 233 myń talapkerdiń 177 myńy shekti ball jınady.

Keıingi bes jylda bilim granttarynyń sany shamamen 30 myńǵa artty.