Qazaqstanda tamyzdyń ár úshinshi jeksenbisinde dene shynyqtyrý salasy mamandarynyń kásibı merekesi - Sport kúni atalyp ótiledi
ASTANA. Tamyzdyń 12-i. QazAqparat - Qazaqstan Respýblıkasy Prezıdentiniń «Qazaqstan Respýblıkasyndaǵy kásibı jáne basqa da merekeler týraly» 1998 jylǵy, qańtardyń 20-syndaǵy №3827 Jarlyǵyna sáıkes tamyzdyń árbir úshinshi jeksenbisi dene shynyqtyrý salasy mamandarynyń kásibı merekesi - Sport kúni bolyp atalyp ótiledi. 2010 jyly bul kún tamyzdyń 15-ine kelip otyr, dep habarlaıdy QR Týrızm jáne sport mınıstrliginiń baspasóz qyzmeti.
Halyq densaýlyǵynyń ózektiligi QR Prezıdenti Nursultan Nazarbaevtyń «Jańa onjyldyq - jańa ekonomıkalyq órleý, Qazaqstannyń jańa múmkindikteri» atty halyqqa joldaýynda atalyp ótilip, 2020 jylǵa qaraı eldegi halyq arasynda buqaralyq sportpen aınalysatyn qazaqstandyqtardyń úlesin 30 paıyzǵa jetkizý maqsaty qoıylǵan bolatyn.
QR Týrızm jáne sport mınıstrligi men barlyq deńgeıdegi ákimdikter buqaralyq sportty damytý jáne bizdiń eldegi dene shynyqtyrýmen aınalysatyn halyqtyń sanyn arttyrýǵa baǵyttalǵan birlesken is-sharalardy belgiledi.
Qazaqstanda 30 330 sport mekemeleri esepte tur. 234 myń balalar men jasóspirimder sportpen shuǵyldanatyn balalar men jasóspirimderge arnalǵan sport mektepteriniń sany 425-ke deıin jetti. Respýblıkada 4 myńnan astam sportshylar jattyǵatyn sportta daryndy balalarǵa arnalǵan 15 mektep-ınternattar jumys isteıdi. Qazaqstannyń barlyq aımaqtarynda jyl saıyn 18 myń sporttyq is-sharalar ótkiziledi.
Qazaqstanda turatyn 16 myń halyqtyń ishinen 2,5 mln. adam júıeli túrde dene shynyqtyrýmen aınalysatyndar men sportshylar bolyp tabylady, bul barlyq halyqtyń 16 paıyzyn quraıdy. Statıstıkaǵa súıensek, buqaralyq sportpen belsendi aınalysatyn aımaqtar qataryna Qaraǵandy, Pavlodar, Almaty oblystary men Almaty qalasy jatady.
Astanadaǵy Sport kúni elordalyq sport uıymdarynyń ishinara ótkizgen sporttyq sharalarynyń, qala qonaqtary men turǵyndary úshin demalys uıymdastyrǵan uıymdardyń jumysynyń dástúrli qorytyndysy bolmaq. Jáne de bıyl Sport merekesi bir kún ǵana ótetin, ýaqytsha aktsııa bolyp qalmaıdy. Barlyq aktsııalar Astanadaǵy Sport kúnine arnalǵan Sporttyq-buqaralyq sharalardyń baǵdarlamasynda tizimdelgen jáne de tamyzdyń 10-y men 15-i aralyǵynda ártúrli sport alańdarynda ótetin bolady.
Іs-sharany uıymdastyrýshylar men olardyń qaı jerlerde ótetini týraly aqparatty Astanadaǵy Sport kúnine arnalǵan Sporttyq-buqaralyq baǵdarlamadan jáne 55-67-53, 41-69-50, 41-72-72, 8 705 321 18 88 baılanys telefondaryna habarlasý arqyly bilýge bolady.
