Qazaqstanda tamyzda 16,9 myńǵa deıin neke qıylady – Statbıýro
ASTANA. KAZINFORM – Qazaqstanda tamyz aıy neke qııý úshin eń tanymal aı bolyp sanalady.
Ulttyq statıstıka bıýrosynyń málimetine sáıkes, 2015-2024 jyldar aralyǵynda elimizde eń kóp neke tamyz aıynda tirkelgen. Sońǵy on jylda bul aıda jyl saıyn orta eseppen 14,9 myń neke qıylǵan. Eń joǵary kórsetkish 2016 jyly tirkelip, tamyzda 16,9 myń neke rásimdeldi.
2015 pen 2022 jyldar aralyǵynda shilde men qyrkúıek te neke qııý úshin jıi tańdalatyn aılar qatarynda boldy. Alaıda, sońǵy eki jylda qyrkúıekke qaraǵanda maýsym aıy alǵa shyqty: 2024 jyly maýsymda 11,6 myń, al qyrkúıekte 10,8 myń neke tirkelgen.
Osylaısha, 2023 jyldan bastap maýsym, shilde jáne tamyz aılary neke tirkeletin eń tanymal kezeńge aınaldy.
Eń az neke sany qańtar aıynda tirkelgen. Sońǵy on jylda bes ret dál osy aı eń tómengi kórsetkishpen erekshelendi. Sonymen qatar mamyr aıy da neke sany boıynsha tómen deńgeıde qalyp otyr.
Sarapshylardyń málimetinshe, sońǵy on jyldaǵy eń tómengi aılyq kórsetkish 2020 jyldyń sáýirinde, pandemııa kezinde tirkeldi.
Aıta keteıik, neke buzǵandarǵa memlekettik baj mólsheri artady.