Qazaqstanda tamaq ónimderiniń óndirisi artty

NUR-SULTAN. QazAqparat - Qazaqstanda 7 aıda tamaq ónimderi óndirisiniń kólemi 4,1 paıyzǵa artty. Bul týraly Úkimet otyrysynda QR Aýyl sharýashylyǵy mınıstri Saparhan Omarov aıtty, dep habarlaıdy QazAqparat tilshisi.

Onyń atap ótýinshe, 7 aıda tamaq ónimderi óndirisiniń kólemi 4,1 paıyzǵa artyp, 1 trln 64 mlrd teńgeni quraǵan. Bul rette óńdelgen kúrish óndirisiniń 72 myń tonnadan 122,4 myń tonnaǵa nemese 70 paıyzǵa ulǵaıyp otyr.

«Sondaı-aq shujyq ónimderiniń óndirisi 21,5, jarma 11,8, makaron 8,1, sary maı 8, un 6,5, ósimdik maıy 4,9, qyshqyl sút ónimderi 4,7, irimshik pen súzbe 1,9 paıyzǵa artqany baıqalady», - dedi ol.

Mınıstrdiń dereginshe, aýyl sharýashylyǵyna salynǵan ınvestıtsııa 13,5 paıyzǵa ulǵaıyp, 261,2 mlrd teńgeni, tamaq ónimderi óndirisine salynǵan ınvestıtsııa 13,8 paıyzǵa artyp, 45,7 mlrd teńgeni qurady.

«Esepti kezeń qorytyndysy boıynsha oń serpin baıqalady. Bul rette salany damytý úshin josparlanǵan nátıjelerge qol jetkizýge múmkindik beretin barlyq sharalar qabyldanady», - dedi Saparhan Omarov.