Qazaqstanda talantty ári tabysty basqarýshylar úshin transparentti «áleýmettik lıft» quryldy
ASTANA. 19 qarasha. QazAqparat - Qazaqstanda talantty ári tabysty basqarýshylar úshin transparentti «áleýmettik lıft» quryldy. Bul týraly búgin Ortalyq kommýnıkatsııalar qyzmetinde ótken brıfıngte QR Prezıdenti ákimshiligi basshysynyń orynbasary Ǵabıdolla Ábdirahymov aıtty.
«Kásibı basqarýshylarlardan quralǵan Qazaqstandaǵy «A» korpýsy tıimdi memleket qurý jolyndaǵy el Prezıdenti saıasatyn júzege asyrýda yqpaldy mehanızm bolýy tıis. Prezıdent Jarlyǵymen qurylǵan Kadr saıasaty jónindegi ulttyq komıssııa el Prezıdentiniń rezıdentsııasy Aqordada árbir úmitkermen jeke-jeke áńgime ótkizdi», - dep atap ótti ol.
Onyń aıtýynsha, sonyń nátıjesinde «A» korpýsyndaǵy 540 laýazymǵa 940 adam rezervke alynǵan. Qazirgi ýaqytta «A» korpýsy tolyǵymen jasaqtalyp, 30 paıyzǵa jańarǵan. Keıbir laýazymdarǵa buǵan deıin memlekettik qyzmette jumys istemegen memlekettik emes sektordan, bıznesten adamdar kelgen.
«Osylaısha, barynsha talantty ári tabysty basqarýshylar úshin transparentti «áleýmettik lıft» quryldy», - dedi Ǵ.Ábdirahymov.
