Qazaqstanda talanttardy basqarý júıesi engizilmek
ASTANA. QazAqparat - Qazaqstanda talanttardy basqarý júıesi engizilmek. Bul týraly búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıngte Memlekettik qyzmet isteri agenttiginiń basshysy Álıhan Baımenov málim etti.
«Biz bolashaqta talanttardy basqarý júıesin qurýdy josparlap otyrmyz. Máselen, Frantsııada árbir mekteptiń dırektory nemese aýdandyq býyndaǵy memlekettik organnyń jetekshisi eldiń sáıkesinshe mınıstrligine ózinde erekshe nazar aýdarýdy qajet etetin daryndy jastyń jumys isteıtindigin habarlaýǵa mindetti», - dedi ol.
Jalpy agenttik basshysynyń atap ótýinshe, ótken jyldan elimizde personaldardy basqarýdyń biryńǵaı qyzmeti qurylǵan. Sonyń nátıjesinde aýdandyq deńgeıde personaldy basqarý qyzmetterin kásibılendirýdiń ınstıtýtsıonaldy negizi qalandy. Biryńǵaı konkýrstyq komıssııalar jumys isteı bastady.
«Biryńǵaı konkýrstyq komıssııalardyń arqasynda aýyldyq jáne aýdandyq deńgeıde «áleýmettik lıft» jańasha jumys isteı bastady. Ol konkýrstyń áleýetti qatysýshylarynyń geografııasyn keńeıtip, kózge túsýine múmkindik berdi. Máselen, aýyldyq jerde jumys isteıtin adamnyń aýdandyq deńgeıde de jumys isteýge qabiletti ekendigin kórsetti», - dedi Á.Baımenov.
