Qazaqstanda taksıge qolma-qol aqshasyz esep aıyrysý júıesin engizý máselesi kóterilýde
ASTANA. QazAqparat - QR Qarjy mınıstrligi Memlekettik kirister komıtetiniń tóraǵasy Dáýlet Erǵojın taksıge qolma-qol aqshasyz esep aıyrysý júıesin engizýdi usyndy.
«Búginde álemde taksı kompanııalary uıaly telefon qosymshasy arqyly jumys jasaıdy. AQSh-ta, Reseıde, Eýropada taksıdi ınternet, uıaly telefon qosymshalary arqyly shaqyrady. Onyń ústine tutynýshylar taksıge qolma-qol aqshamen tólemeıdi», - dedi D.Erǵojın.
Onyń sózine qaraǵanda, qazaqstandyqtar ondaı jańashyldyqtardan maqrum qalyp otyr.
«Biz bolsaq, áli kúnge deıin qol kóteremiz, zvondaımyz, qolma-qol tólep kele jatyrmyz. Sondyqtan biz Astanaǵa sol kompanııalardy shaqyrtyp, bizde ózderiniń qosymshalarymen barlyq tulǵalardy qamtysa, ekinshiden, azamattar taksıge qolma-qol aqshasyz aqy tóleý múmkindigin jasaǵymyz keledi. Ol óz kezeginde salyqtyq túsimdi kóbeıtip, kóleńkeli ekonomıkanyń úlesin tómendetedi», - dedi ol.
