Qazaqstanda taǵy eki loýkoster áýe kompanııasy ashylýy múmkin be - Jeńis Qasymbektiń jaýaby
NUR-SULTAN. QazAqparat - Úkimet basshysynyń orynbasary Jeńis Qasymbek Qazaqstan naryǵynda taǵy eki loýkoster áýe kompanııasynyń ashylý yqtımaldylyǵyna qatysty pikir bildirdi, dep habarlaıdy QazAqparat tilshisi.
«Eger Skat pen Bek eır loýkoster kompanııa ashqysy kelse - eshqandaı qarsylyq bolmaıdy. Qazaqstannyń avıatsııalyq tasymaldaý naryǵy shaǵyn. Jalpy, 5-6 mln adam áýe qyzmetin paıdalanady», - dedi Jeńis Qasymbek Úkimet otyrysynan keıin tilshilerdiń suraǵyna jaýap bere otyryp.
Vıtse-premer óz sózinde «Flaı Arystan» loýkosterin asha otyryp, «Eır Astana» temir jol kólikterimen básekelesýdi josparlap otyrǵandyǵyn atap ótti.
«Negizinen, loýkosterge Nur-Sultan men Almaty arasyndaǵy jolaýshylar otyrady. Bul - básekeli kúres», - deıdi Jeńis Qasymbek.
