Qazaqstanda taǵy bir tanymal jýrnalıst qamaýǵa alyndy
ASTANA. QazAqparat - Sybaılas jemqorlyqqa qarsy is-qımyl ulttyq bıýrosy «Central Asia Monitor» jáne «Radiotochka.kz» basylymdarynyń bas redaktory Bıgeldi Ǵabdýllınge qatysty bopsalaý faktisi boıynsha sotqa deıingi tergeý jumystaryn bastady.
Tergeýdiń anyqtaýynsha, Bıgeldi Ǵabdýllın óz quzyryndaǵy «Central Asia Monitor» jáne «Radiotochka.kz» buqaralyq aqparat quraldaryn paıdalanyp, memlekettik organ jetekshileriniń iskerlik abyroıyna nuqsan keletin materıaldardy jarııalaý arqyly olarǵa aqparattyq shabýyl jasaǵan. Aldaǵy ýaqytta synaýdy toqtatý úshin Ǵadbýllın laýazymdy tulǵalardan óz medıa resýrstaryna memlekettik tapsyrystar talap etken. Olar óz kezeginde Ǵabdýlınniń kompanııasyn qolpashtap, memlekettik satyp alýlar týraly kelisimsharttar bekitýdi qamtamasyz etken. Osydan keıin ǵana olardyń qyzmeti týraly tek jaǵymdy materıaldar jarııalanyp otyrǵan.
Máselen, Jambyl oblysy ákimdiginen Ǵabdýllın 10 mıllıon teńge kólemindegi qarajat bopsalaǵan. Dál osy shemamen 7 memlekettik organ Ǵabdýllınge memlekettik tapsyrys alyp bergen. Qazirgi ýaqytta Ǵabdýllın QR QK 128-baby boıynsha ustaldy jáne Astana q. ýaqytsha ustaý ızolıatoryna qamaldy. Sotqa deıingi tergeý jumystary jalǵasýda.
