Qazaqstanda taǵy bir klınıka halyqaralyq JCI standartyna ıe boldy

"JCI standartyna TMD elderinde tek 3 klınıka qol jetkizdi. Sonyń ishinde ekeýi qazaqstandyq klınıkalar. Atalǵan sertıfıkattardyń berilýi bul klınıkalyq ortalyqtardyń joǵary halyqaralyq qaýipsizdik jáne sapa standarttary boıynsha qyzmet etetindigin kórsetedi jáne AQSh-tyń ózinde moıyndalady. Búginde dúnıejúziniń 90-nan astam elinde 450-ge jýyq medıtsına uıymy JCI akkredıtatsııasyn aldy. Sapa sáıkestigin baǵalaý úderisi asa aýyr ári uzaq ýaqyt alady. Standarttardy alýǵa shamamen 2,5 jyl ketedi. Bunyń aldynda JCI Qazaqstanda "Ana men bala ulttyq ǵylymı ortalyǵy alǵan bolatyn", - dedi sertıfıkatty tabystaý saltanaty barysynda "QazAqparat" tilshisine bergen suhbatynda QR Premer-Mınıstriniń orynbasary Erbol Orynbaev.

Nazarbaev ýnıversıtetiniń rektor-prezıdenti Shıgeo Katsýdyń aıtýynsha, akkredıtatsııa mártebesi uıym JCI aýdıtorlar tobynyń tekserýne sáıkes halyqaralyq standarttardyń 1200 talabyna sáıkes kelgen jaǵdaıda ǵana beriledi.

"Akkredıtatsııa sertıfıkaty úsh jylǵa jaramdy. Sodan keıin akkredıtatsııa týraly sheshim qabyldaýmen qaıtadan baǵalaý júrgiziledi. Osylaısha, JCI standarttaryna sáıkes, klınıka qyzmetkerleri únemi óz jumystaryn jaqsartyp otyrýlary qajet", - dedi Sh.Katsý.