Qazaqstanda taǵy 38 medıtsınalyq aıyqtyrǵysh ashylmaq

2010 jyly 32 medıtsınalyq aıyqtyrǵysh (qazirgi ýaqytta «Ýaqytsha beıimdeý jáne ońaltý ortalyqtary») densaýlyq saqtaý organdarynyń quzyretine tapsyryldy, bul rette mas adamdardy tıisti oryndarǵa jetkizý fýnktsııasy ishki ister organdarynyń quzyretinde qaldy.

Sonymen qatar, onyń aıtýynsha, el ishinde barlyǵy osyndaı 29 ortalyq jumys isteıdi, olarda barlyǵy 598 tósek-oryn bar jáne olar qajettilikti tolyq qamtamasyz etpeıdi.

«Biz qoldanystaǵy ortalyqtardy 240 tósek-orynǵa keńeıtýdi usynamyz, sonymen qatar 595 tósek-oryndy qamtıtyn qosymsha taǵy da osyndaı 38 ortalyq ashýdy usynyp otyrmyz»,- dedi A. Sadýbaev.

Onyń aıtýynsha, mundaı mekemeler barlyq aýdan ortalyqtarynda bolǵan. Qazirgi ýaqytta olar tek qalalar men oblys ortalyqtarynda jumys isteıdi. Biz elimizdiń barlyq aýdandaryn qamtýdy kózdep otyrǵan joqpyz. Jekelegen úsh-tórt aýdandar úshin bir ortalyq bólse, jetkilikti bolady.

Sondaı-aq ІІM-niń ókili ózge problemaǵa da toqtaldy.

Ol zańnamaǵa sáıkes ákimshilik qamaýǵa alý týraly sot sheshimine deıin polıtsııa maskúnemdi úsh saǵat qana ustaı alady. Mysalǵa, kúıeýi úıinde janjal shyǵarsa, áıeli polıtsııa shaqyrady. Úsh saǵat ótkennen keıin ony úıine jiberedi. Odan ári ol mastyǵynan aıyqpastan otbasyna qaıta tıisedi, zombylyqqa barýy múmkin.      

«Sondyqtan mas kúıindegi adamdy májbúrli emdeýge resimdeý jáne jiberý rásimderin ózgertý jóninde usynystar ázirleýdemiz», - dep túsindirdi A. Sadýbaev.

Aıta keteıik, qazirgi ýaqytta mas kúıde jasalǵan qylmystyq quqyq buzýshylyqtardyń joǵary deńgeıde bolýy (aǵymdaǵy jylǵy 9 aıda mas kúıde 14 myńnan astam qylmystyq quqyq buzýshylyqtar jasaldy, al 2015 jylǵy 12 aıda bul kórsetkish 12,7 myńdy qurady). Mas kúıde quqyqbuzýshylyq jasaǵany úshin ustalǵan adamdar sany kóbeıdi (aǵymdaǵy jylǵy 9 aıda mas kúıde jasaǵan 200 myńnan astam ákimshilik quqyq buzýshylyq anyqtaldy, al 2015 jylǵy 12 aıda bul kórsetkish 203,6 myńdy qurady).