Qazaqstanda «tabystyń qaryz koeffıtsıenti» bekitiledi
ASTANA. KAZINFORM – Ulttyq bank tóraǵasy Tımýr Súleımenov úkimet otyrysynda 2026 jyldyń birinshi jartysynda «tabystyń qaryz koeffıtsıenti» bekitiletinin aıtty.
- Halyqaralyq praktıkada qaryz alýshylardyń tólemge qabilettiligin baǵalap, jalpy bereshegin shekteý úshin tabystyń qaryz koeffıtsıenti deıtin qural keńinen qoldanylady. Osy koeffıtsıenttiń naqty mánderi eseptelip bekitiledi. Atalǵan quraldy kelesi jyldyń birinshi jartysynda iske qosý josparlanyp otyr, - dedi ol.
Tımýr Súleımenov qaryz alýshynyń boryshtyq júktemesine qoıylatyn talaptar qatańdatylatynyn da aıtty.
- Qazirgi boryshtyq júkteme koeffıtsıentiniń máni 0,5 bolyp otyr. Ulttyq bank boryshtyq júkteme koeffıtsıentiniń shekti deńgeıin tómendetip, esepke alynatyn kirister quramyn ózgertý qajettiligin qarastyrady.
Qamtamasyz etilmegen kredıtterdiń marjasyn tómendetý jáne tutynýshylyq kredıtteýdiń teńgerimsiz ósýin shekteý úshin jyldyq shekti mólsherlemeni kezeń-kezeńimen tómendetý josparda bar, - dedi Ulttyq bank basshysy.
Sondaı-aq, búgingi Úkimet otyrysynda Qazaqstan aýmaǵynda jedel respıratorlyq vırýstar men tumaýdyń órshýi jeltoqsannyń ortasyna deıin jalǵasýy múmkin ekeni aıtyldy.