Qazaqstanda symdy telefon baılanysynyń abonentteri azaıyp kele jatyr
ASTANA. QazAqparat - Qazaqstanda symdy telefon baılanysynyń abonentteri azaıyp kele jatyr. Bul týraly «Qazaqtelekom» AQ Strategııalyq basqarý jónindegi bas dırektory Batyr Mahanbetajıev málim etti.
«2014 jyly bizde tirkelip, bekitilgen jeliler 4 mln. bolǵan edi, búginde 3 mln. 870 myńdy qurap otyr. ıAǵnı birshama qysqardy. Bul jahandyq úderis bizge de keldi. Bul turǵyda aıtarymyz, halyq ishinara tek uıaly baılanysty ǵana paıdalanýǵa kóshýde», - dedi B.Mahanbetajıev. Sonymen qatar ol bekitilgen keń jolaqty ınternettiń abonentteri sany da qysqaryp kele jatqanyn jetkizdi. «Eger de 2014 jyly 1,5 mln. abonent bolsa, 2015 jyldyń qorytyndysy boıynsha biz bekitilgen keń jolaqty ınternettiń abonentteriniń birshama tómendeý bolady dep boljap otyrmyz. Sebebi ınternetti paıdalanýdyń qurylymy ózgerýde. Azamattardyń mobıldi ınternetti paıdalaný úlesi artyp keledi», - dedi ol. Onyń sózinshe, búginde Qazaqstanda uıaly baılanys pen mobıldi ınternet abonentteriniń sany artyp keledi.
