Qazaqstanda sybaılas jemqorlyqqa tózbeýshilikti nasıhattaý maqsatynda memorandýmǵa qol qoıyldy
Kezdesýge QR AQDM apparatynyń basshysy Aıjan Shaınazarova, «Adaldyq alany» jobalyq keńsesiniń basshysy Tımýr Jumyrbaev, Jastar jáne otbasy isteri komıtetiniń tóraǵasy Shahmardan Baımanov, «Azamattyq bastamalardy qoldaý ortalyǵy» KEAQ Basqarma tóraǵasy Lıma Dıas jáne «Damý» Qazaqstandyq qaýymdastyǵy» ZTB ókilderi qatysty.
Bul yntymaqtastyq sybaılas jemqorlyq quqyq buzýshylyqtaryna múldem tózbeýshilikti ilgeriletý boıynsha birlesken kúsh-jigerdi damytýdy kózdeıdi.
Jastar men stýdentter uıymdary úshin bilim berý trenıngteri ótkiziledi, sybaılas jemqorlyqqa qarsy is-qımyl taqyrybynda áleýmettik beınerolıkter jasalady, sondaı-aq shyǵarmashyl jastardy qoldaý maqsatynda esse men sýretter jazý boıynsha konkýrstar jarııalanady.
Bul bastamalar jastardy sybaılas jemqorlyqqa qarsy mádenıetti qalyptastyrý protsesine tartýǵa baǵyttalǵan.
«Búginde dál osy jastar qoǵamdyq óristegi úrdisterdi jıi qalyptastyrady. Biz úshin qazirgi jastardyń sybaılas jemqorlyq quqyq buzýshylyqtarǵa «múldem tózbeýshilik» qaǵıdatyn ustanýy mańyzdy. Bul stýdentter úshin de, jumysshy jastar úshin de ózekti», - dep atap ótti «Adaldyq alany» jobalyq keńsesiniń jetekshisi T.Jumyrbaev.
Qujatqa «Azamattyq bastamalardy qoldaý ortalyǵy» KEAQ qoldaýymen iske asyrylatyn «Jastardyń sybaılas jemqorlyqqa qarsy mádenıetin qalyptastyrý boıynsha is-sharalar keshenin ótkizý» jobasy sheńberinde qol qoıyldy.
