Qazaqstanda suıytylǵan munaı gazy arzandady – mınıstrlik

NUR-SULTAN. QazAqparat – Qazaqstanda 1 naýryzdan bastap avtogaz quıý stansalarynda suıytylǵan munaı gazynyń bólshek saýda baǵasyn ýaqytsha memlekettik retteý alynyp tastaldy. Bul týraly QR Energetıka mınıstrligi gaz jáne munaı-gaz-hımııa departamentiniń dırektory Qýanysh Sársekeev aıtyp berdi, dep habarlaıdy QazAqparat tilshisi.

2020 jyldyń sáýirinde QR Prezıdenti janyndaǵy TJ rejımin qamtamasyz etý jónindegi memlekettik komıssııa sheshimimen avtogaz quıý stantsııalarynda kólikterge janarmaı quıý úshin suıytylǵan munaı gazyn ótkizýge ýaqytsha memlekettik baǵa retteý engizilgen edi.

«Qazirgi ýaqytta avtogaz quıý stansalaryndaǵy bólshek saýda baǵasyn naryq suranys pen usynystardy eskere otyryp belgileıdi. Energetıka mınıstrligi suıytylǵan munaı gazynyń bólshek saýda baǵasyna taldaý júrgizdi jáne avtogaz quıý stantsııalaryndaǵy qazirgi baǵa pandemııaǵa deıingi 2020 jyldyń 1 toqsanyna qaraǵanda respýblıka boıynsha orta eseppen 5%-ǵa tómen. ıAǵnı, qazirgi naryq baǵasy buryn qoldanysta bolǵan baǵadan da tómen», - dedi spıker Ortalyq kommýnıkatsııalar qyzmetinde ótken baspasóz máslıhatynda.

Onyń aıtýynsha, Energetıka mınıstrligi aı saıyn ishki naryqqa suıytylǵan munaı gazyn jetkizý josparyn qurýdy jalǵastyrady.

Onyń 25% qazirgi ýaqytta elektrondyq saýda alańdary (ESA) arqyly iske asyrylýda.

Buǵan deıin kóktemgi dala jumystaryna 380 myń tonna dızel jeńildikpen beriletini habarlanǵan edi.

Sonymen birge, Energetıka vıtse-mınıstri Áset Maǵaýov QR ishki naryǵynda janar-jaǵarmaı baǵasynyń qalaı qalyptasatynyn túsindirdi.