Qazaqstanda suıytylǵan gaz saýdalaıtyn elektrondy alań qurylady
«Mınıstrlik suıytylǵan gazdyń baǵasyn qalyptastyrýdy memlekettik retteýden birte-birte bas tartýǵa baǵyttalǵan qoldanystaǵy zańnamaǵa ózgertýler engizý tujyrymdasyn jáne suıytylǵan gaz boıynsha jasalatyn barlyq mámilelerdiń barynsha ashyq bolýy ári óndirýshiler men tutynýshylar múddeleriniń teńgerimin saqtaý úshin elektrondy saýda alańy tetigin ázirledi», - dedi ol.
Qııaqbaevtyń sózine qaraǵanda, elektrondy saýda alańy úsh deńgeıden turady. Birinshi deńgeıde QR-nyń «Gaz jáne gazben jabdyqtaý týraly» zańa normalar engiziletin bolady. Ekinshi deńgeıde elektrondy saýda alańynda saýdanyń jalpy qaǵıdalary bekitiledi. Úshinshi deńgeıde saýda operatorynyń ishki qujattary ázirlenip, qatysýshylarǵa talaptar qoıylady jáne egjeı-tegjeıli qaǵıdalar men reglamentter ázirlenedi.
Jalpy, onyń aıtýynsha, 2001 jyldyń 1 toqsanynan bastap QR Energetıka mınıstrliginiń suıytylǵan munaı gazyna belgilegen kóterme baǵasy qosylǵan qun salyǵyn eseptemegende tonnasyna 28 myń teńgeni quraıdy. Al shekaralas elderdegi kóterme baǵa munan aıtarlyqtaı joǵary. Máselen, Reseı naryǵynda gazdyń qosylǵan qun salyǵymen eseptegendegi 1 tonnasy 125 myń, Tájikstanda 107100, Qazaqstanda 31360 teńge bolyp otyr.
«Elimizde suıytylǵan munaı gazyn óndirýdiń ózindiń quny Qazgermunaıda tonnasyna 43,4 myń, Qazaqoıl-Aqtóbede 48 myń, CNPC-te 38,6 myń, QazGÓZ-de 32 myń, KazFrac-ta 47 myń teńgeni quraıdy. ıAǵnı, óndirýdiń ózindik quny ótkizýdiń kóterme saýda baǵasynan aıtarlyqtaı joǵary», - dedi Qııaqbaev.
