Qazaqstanda suıytylǵan gazdy syrtqa shyǵarýǵa tyıym taǵy alty aıǵa uzartyldy
ASTANA. KAZINFORM — Qazaqstanda suıytylǵan munaı gazyn el aýmaǵynan áketýge qoıylǵan shekteý taǵy alty aı merzimge uzartyldy. Bul týraly Energetıka mınıstrliginiń buıryǵynda aıtylǵan.
Qujatqa sáıkes, suıytylǵan munaı gazyn, sondaı-aq propan men býtandy avtomobıl jáne temirjol kóligi arqyly elimizdiń aýmaǵynan shyǵarýǵa ýaqytsha tyıym salynady.
Sonymen qatar birqatar jaǵdaılarǵa qatysty erekshelikter qarastyrylǵan. Atap aıtqanda:
— ónimdi bólý týraly kelisim nemese jer qoınaýyn paıdalaný kelisimsharty aıasynda ónim óndirgen jer qoınaýyn paıdalanýshylarǵa;
— Qarashyǵanaq jáne Qashaǵan ken oryndarynda óndirilgen qazaqstandyq shıkizattan óńdelgen taýarlardy halyqaralyq sharttar negizinde áketýge;
— bastalýy men aıaqtalýy Qazaqstannan tys jerde júzege asatyn tranzıttik tasymaldarǵa;
— Úkimet sheshimimen kórsetiletin gýmanıtarlyq kómek aıasynda shyǵarylatyn júkterge tyıym qoldanylmaıdy.
Atalǵan buıryq bıyl 14 mamyrdan bastap kúshine enedi.
Aıta keteıik, suıytylǵan munaı gazyn saqtaýǵa arnalǵan syıymdylyqtardy jer ústinde ornalastyrýǵa tyıym salynady.
Sonymen qatar Qyzylordada suıytylǵan gaz baǵasynyń ósýi túsinispeýshilik týǵyzǵan edi.
