Qazaqstanda sút ónimderi eń kóp, al balyq pen teńiz ónimderi eń az tutynylady
ASTANA. 31 naýryz. QazAqparat - 2011 jylǵy 4 toqsanda ótken jyldyń tıisti kezeńimen salystyrǵanda azyq-túlik ónimderiniń barlyq negizgi toptary boıynsha tutynýdyń ósýi baıqalýda.
Qazaqstan Respýblıkasy úı sharýashylyqtaryndaǵy (halyqtyń ortasha jan basyna shaqqanda) eń kóp tutynylatyn sút jáne sút ónimderi, eń az tutynylatyn balyq jáne teńiz ónimderi bolyp tabylady. Bul týraly QR Statıstıka agenttiginen habarlandy.
Sonymen qatar, agenttik málimetterine qaraǵanda, 2011 jylǵy 4 toqsandaǵy qalalyq jáne aýyldyq jerlerdegi halyqtyń tamaq ónimderiniń negizgi túrlerin tutynýyn salystyrǵanda eń joǵary saralaný jumyrtqany, jemisterdi, nan jáne jarma ónimderin tutyný boıynsha baıqalǵan. Budan bólek, 2011 jylǵy 4 toqsanda halyqtyń tamaq ónimderiniń negizgi túrlerin ortasha jan basyna shaqqandaǵy tutynýynyń óńirlik aspektisin salystyrsaq, nan jáne jarma ónimderiniń eń az tutyný kórsetkishi Astana qalasynda tirkelse, onyń eń kóp tutynýy Qyzylorda oblysynda baıqalǵan.
Sonymen qatar, etti eń az tutynatyn oblys Ońtústik Qazaqstan oblysy bolsa, eń kóp kórsetkish Almaty qalasyna tıesili eken. Balyq jáne teńiz ónimderi Mańǵystaý oblysynda eń az, al eń kóp tutyný Atyraý turǵyndarynda bolyp otyr.
