Qazaqstanda sút ónimderi 7% qymbattady

ALMATY. QazAqparat – Elimizde sút ónimderiniń baǵasy bir jylda 7% ósti, dep habarlaıdy QazAqparat tilshisi energyprom.kz resýrsyna silteme jasap

Salystyrmaly túrde tıisti kezeńde ınflıatsııanyń jalpy deńgeıi - 5,3 paıyz bolsa, azyq-túlik ónimderi bir jylda - 8,2 paıyzǵa, al azyq-túlik taýarlary - 8,1 paıyzǵa qymbattaǵan.

Jeltoqsan aıynyń qorytyndysy boıynsha, elimizde shıki súttiń 1 lıtri - orta eseppen 222 teńgeni quraǵan, al bir jyl buryn ol 211 teńge bolǵan. Pasterlengen súttiń 1 lıtri – 251 teńge, 2018 jyly ol 228 teńge shamasynda bolǵan.

Jalpy, Qazaqstanda sút óndirý kólemi ulǵaıǵan. Ótken jyldyń 11 aıynda 509,3 myń tonna óńdelgen sút pen kilegeı shyǵarylǵan, bir jyl buryn bul kórsetkish 476,3 myń tonna bolǵan. Sút ónimderiniń 30% - Soltústik Qazaqstan oblysyna tıesili.

Almaty, Aqmola jáne Qostanaı oblystary da kósh basynda tur.

foto: kakprosto.ru