Qazaqstanda suraý boıynsha sottalǵandyǵy týraly málimet berýdi shekteý usynylyp otyr
ASTANA. QazAqparat - Qazaqstanda suraý boıynsha sottalǵandyǵy týraly málimet berýdi shekteý usynylyp otyr. Bul týraly búgin Ortalyq kommýnıkatsııalar qyzmetindegi baspasóz máslıhatynda Qazaqstanda sot reformasyn qoldaý jónindegi jobanyń sarapshysy Sáýle Mektepbaeva aıtty.
«Anyqtamalardyń eleýli kólemi sottylyǵyna baılanysty suralady. Usynylyp otyrǵan sharalardyń biri osyndaı anyqtamalardy shekteýge baılanysty bolýda, sebebi balalarmen jumys isteýge qatysty emes mamandyqtar barshylyq jáne osy jumystarǵa burynǵy sottylyǵynyń bolýy týraly bilýdiń qajettiligi joq», - dedi S.Mektepbaeva. Sarapshynyń paıymynsha, búginde basty maqsat - bas bostandyǵynan aıyrý oryndarynan bosaǵan adamdardyń ekinshi márte túrmege oralmaýy úshin tıisti jaǵdaı jasaý. Bul turǵyda basty talap jumyspen qamtýǵa baılanysty bolyp otyr. Kóbinese jumys berýshiler buryn sottalǵandardy jumysqa qabyldamaı jatady. «Sottylyq ınstıtýty - bul «keńestik» quqyqtyq ınstıtýt. Batystyq júıelerde ondaı joq. Bul málimetter árdaıym qupııa bolady jáne ol málimetter qandaı da bir erekshe mamandyqtar turǵysynda suralady, ıaǵnı pedagog, dárigerlerge qatysty bolǵan jaǵdaıda talap etiledi. Alaıda biliktilik jumysyna baılanysty bolmasa, onda atalǵan málimetterdi tekserýde qajettilik joq», - deıdi S.Mektepbaeva.
