Qazaqstanda suranysqa ıe kólikterdiń tizimi anyqtaldy
ASTANA. QazAqparat - «QazAvtoÓnerkásip» avtokólik salasyndaǵy kásiporyndar odaǵy 2017 jylǵy 11 aıda suranysy joǵary avtokólikterdiń tizimin jasady, dep habarlaıdy QazAqparat.
Atap aıtqanda, qańtar-qarashada Qazaqstanda qurastyrylǵan jeńil kólikterdiń arasynda suranysqa ıe brendterdiń alǵashqy bestiginiń kóshin Lada (8280 kólik) bastap tur. Sodan keıingi oryndarda Hyundai (1812), KIA (1729 ), Chevrolet (1282 ) jáne JAC (656 ) kólikteri. Otandyq kásiporyndar usynatyn markalardyń tizimine sonymen birge Ravon (579 kólik), Skoda (289), SsangYong (280), Peugeot (192 ) men Geely (27) endi.
Budan bólek, jergilikti óndiristegi jeńil kólikter satylymynyń reıtınginde Lada brendiniń modelderi birinshi orynǵa shyqty. Osy oraıda Lada 4x4 (3616), Lada Granta (1540) jáne Lada Largus (1500) modelderi kóp satylǵan. Sonymen qatar qazaqstandyqtar arasynda tanymal modelder tizimin Hyundai Elantra (823), Lada Vesta (818), Hyundai Tucson (769), Ravon Nexia (579), JAC S3 (451), Lada XRAY (446) men Chevrolet Tracker (428) tolyqtyrdy.
Taratylǵan málimetterge qaraǵanda, qańtar-qarashada 1 374 avtokólikti jeńildikti avtonesıe baǵdarlamasyna qatysqandar alǵan. Olardyń úlesine jergilikti óndiristegi jeńil kólikter satylymynyń 8,1 paıyzy tıesili boldy.
Esepti kezeńde 1 187 kólik Qytaı, Reseı, Belarýs pen Tájikstanǵa eksportqa jiberildi.
Búgingi tańda jeńil avtokólikterdi shyǵarý deńgeıi 3,1 esege artyp, 14 585-ke jetip otyr. Onyń ishinde 10 478-i «AZIıA AVTO» AQ-ǵa tıesili bolsa, al 4 107-sin «SaryarqaAvtoProm» JShS shyǵardy.
