Qazaqstanda súndetke otyrǵyzý aqysyz jasalýy múmkin
ASTANA. QazAqparat - QR Din isteri jáne azamattyq qoǵam mınıstrligi súndetke otyrǵyzý rásimin aqysyz etýge nıetti. Bul týraly búgin Ortalyq kommýnıkatsııalar qyzmetindegi baspasóz máslıhatynda atalǵan vedomstvonyń vıtse-mınıstri Berik Aryn málim etti, dep habarlaıdy QazAqparat.
«Ázirge biz jumys deńgeıinde súndetke otyrǵyzýdy aqysyz medıtsınalyq qyzmetter tizbesine qosýdy talqyladyq. Biz osyndaı pikirdemiz jáne bul ustanym talqylaýdyń bastapqy kezeńinde. Osy oraıda keri saldarǵa jol bermeý úshin bul usynysty daıyndaýdamyz», - dedi Aryn.
Vıtse-mınıstrdiń atap ótýinshe, ǵuryptyń ózin dinı ári medıtsınalyq sharalarǵa jatqyzýǵa bolady.
«Súndetke otyrǵyzý rásimine toqtalsaq, bizdiń zańnamada belgili bir normalar joq. Bizdiń oıymyzsha, osy máselede tek dinı quramdaýysh qana emes, sonymen qatar densaýlyq saqtaý júıesi de qamtylǵan», dedi ol.
Osy oraıda ol mınıstrlik bul ǵuryptar medıtsınalyq mekemelerde jáne bilikti dárigerler tarapynan jasalǵanyn durys dep sanaıtyndyǵyn jetkizdi.
