Qazaqstanda sýdıalyq qyzmetke qalaı ornalasýǵa bolady

ASTANA. KAZINFORM – QR Joǵary sot keńesiniń múshesi Nurııa Sısenova elimizde sýdıalyq qyzmetke qalaı ornalasýǵa bolatynyn aıtty.

— Qazaqstanda jasy 30-dan asqan, zańger mamandyǵy boıynsha joǵary bilimi bar, kemi 5 jyl zańgerlik salada qyzmet etken QR azamaty sýdıa bola alady. Qazirgi tańda sýdıalyq qyzmetke ornalasýdyń 2 joly bar. 

Biri — Joǵary sot keńesi janyndaǵy Sot tóreligi akademııasynda oqyp, sýdıa qyzmetine biliktilik ekzamenin sátti tapsyrý arqyly. 

Sot tóreligi akademııasynda oqýdyń artyqshylyqtary: 

- 1 jyl ǵana oqısyń;

- Oqyp júrgen ýaqytta jumys ornyń saqtalady;

- Oqyp júrgen ýaqytta jalaqyń saqtalady;

- Astana sottarynda taǵylymdamadan ótý múmkindigi beriledi;

- Shalǵaı aýdandarǵa sýdıalyq qyzmetke konkýrstan tys ornalasady.

Ekinshi jol — Joǵary sot keńesiniń janyndaǵy Bilik komıssııasynyń ekzameninen ótý, - dedi ol.

Onyń aıtýynsha, taǵy bir jeńildik — akademııa túlekteri sottarda tájirıbeden ótý mindetinen bosatylady.

Al qazirgi kezde Joǵary sot keńesiniń biliktilik ekzameninen ótken basqa úmitkerler 6 aıdan 1 jylǵa deıin sottarda tájirıbeden ótýi tıis. 

Aıta keteıik, qazirgi kezde elimizde sýdıalyq qyzmet salasynda 300 oryn bos tur. 

Sondaı-aq, QR Joǵary sot keńesiniń múshesi Ǵafýr Sharov elimizde sot táýelsizdigin arttyrý maqsatynda qandaı jumystar júrgizilip jatqanyn aıtqan edi.