Qazaqstanda sýdıalardy taǵaıyndaý talaptary kúsheıdi

ASTANA. QazAqparat - Qazaqstanda sýdıalardy taǵaıyndaý isine jańa jetildirilgen talaptar engizildi, dep habarlaıdy QazAqparat tilshisi.

Bul týraly Ortalyq kommýnıkatsııalar qyzmetinde ótken baspasóz máslıhatynda belgili boldy. 

«Baıqaýda sýdıaǵa úmitker eń aldymen psıhologııalyq testileýden ótedi, buryn bul mindetti emes edi. Odan soń belgili bir taqyrypta esse jazady, úshinshi kezeń - kompıýterlik testileý, onyń ishinde buryn 6 zań boıynsha testileý bolsa, endi taǵy 5 zań qosylyp, barlyǵy 11 zań boıynsha test tapsyrady. ıAǵnı test suraqtarynyń 80% -na jaýap bergen úmitker kelesi kezeńge joldama alady. Sodan keıin ǵana zańdar boıynsha jazbasha tezıs jazý arqyly óziniń zańdy bilý deńgeıin dáleldeıdi», -dedi QR Joǵarǵy sot Keńesiniń múshesi, sýdıa Ádil Quryqbaev. 

Joǵarǵy sot mamanynyń aıtýynsha, sýdıalardyń biliktiligin tekserý maqsatynda arnaıy kompıýterlik baǵdarlama jasalǵan. Atalǵan baǵdarlama úmitkerdiń bilimi, eńbek ótili, biliktiligi, jumys tájirıbesi týraly aqparattardy avtomatty túrde jınap, bazaǵa engizedi. 

Sýdıalardy taǵaıyndaýǵa engizilgen taǵy bir ózgeris - magıstrant sýdıalar men eńbek ótili bar sýdıalar úshin baıqaý bólek ótkiziledi. 
Sýdıa bolýǵa úmitker tulǵa - zańǵa sáıkes jasy 30-ǵa tolǵan, zań mamandyǵy boıynsha joǵary bilimi bar, biliktilik emtıhandaryn tapsyrǵan QR azamaty bolýy tıis. 

QR Joǵarǵy sot keńesi atalǵan talaptardyń engizilý sebebin «sýdıalardy ashyq túrde taǵaıyndap, laıyqty kadrlardy tańdaý arqyly halyqtyń sotqa degen senimin arttyrý úshin» dep túsindirdi. 

Joǵarǵy sot keńesiniń derekterine súıensek, 2017 jyldyń qorytyndysy boıynsha sýdıalardyń biliktiligin tekserý emtıhanyn el boıynsha 76 sýdıa, ıaǵnı 29,4%-y sátti tapsyrǵan. Ústimizdegi jyldyń aqpan aıynda ótken emtıhannyń qorytyndysy boıynsha 17 sýdıa, ıaǵnı 30,1% óz bilimin dáleldep shyqqan.