Qazaqstanda sýdıalar úkimdi túsindirýdi úırenedi

ASTANA. QazAqparat - Qazaqstanda sot aktilerin durys túsindirý úshin sýdıalardy oqytý uıymdastyrylmaq, dep habarlaıdy «QazAqparat» HAA QR Joǵarǵy sotynyń baspasóz qyzmetine silteme jasap.

16 naýryzda joǵarǵy sot organynyń jalpy otyrysynda Joǵarǵy sottyń «Sot sheshimi týraly» normatıvtik qaýlysyna ózgerister men tolyqtyrýlar engizilgen bolatyn.

Atalǵan qujat jarııalanǵan sot sheshimin túsindirý jáne normatıvtik qaýlyda kórsetilgen qurylymdyq, pishindik jáne mazmundyq talaptarǵa saı keletin sot aktilerin shyǵarý máselelerin qamtıdy. Osylaısha, sýdıalar neǵurlym túsinikti sot aktilerin shyǵarýy tıis.

Jergilikti sottarǵa sýdıalar úshin tıisti oqytý semınarlaryn uıymdastyrý tapsyryldy.

Eske salaıyq, budan buryn QR Joǵarǵy sotynyń tóraǵasy Jaqyp Asanov sot aktileriniń barlyq azamattarǵa túsinikti bolýy qajettigin atap ótken edi.