Qazaqstanda sýdıalar qansha jalaqy alady

NUR-SULTAN. QazAqparat - QR Joǵarǵy sotynyń baspasóz hatshysy Aıdos Sádýaqasov aýdandyq, oblystyq jáne Joǵarǵy sot sýdıalary qansha jalaqy alatyndyǵyn aıtty, dep habarlaıdy QazAqparat tilshisi.

«Qazaqstanda aýdandyq, oblystyq jáne Joǵarǵy sotty qosa alǵanda 2 684 sýdıalyq birlik qarastyrylǵan. Biraq, qazirgi tańda 2 400-i naqty jumys isteıdi. 14 paıyz bos oryn bar», - dedi ol búgin Ortalyq kommýnıkatsııalar qyzmetindegi baspasóz máslıhatynda.

Sonymen qatar ol aýdandyq jáne oblystyq sýdıalardyń jalaqylary qansha ekendigin de atap ótti.

«Jalaqylaryna qatysty eshqandaı qupııa joq. Jalpy, eńbekaqy aýdandyq deńgeıdegi sýdıalarda ortasha eseppen alǵanda 400-500 myń teńgeniń tóńireginde. Ol - jumys ótiline baılanysty. Al oblystyq deńgeıde - 600-700 myń, Joǵarǵy sotta 800-900 myń teńgeniń tóńireginde bolyp otyr. Sýdıalardyń eńbek ótiline baılanysty jalaqylarynda aıyrmashylyq bolýy múmkin»,- dedi Aıdos Sádýaqasov.