Qazaqstanda sýarmaly jerler qalaı ıgerilip jatyr
«2020 jylǵy qańtardaǵy málimet boıynsha sýarmaly jerler alańy 1,5 mln gektardy qurady. Sýarmaly jerlerde dándi daqyldar 25,6%, jem-shóp daqyldar - 26%, maqta - 9,3%, maıly daqyldar - 6,6%, kúrish 6,2% qamtydy.
Belgili bolǵandaı, sýarmaly jerlerdiń 79,2 paıyzy jer ústi sýarýmen, 6,8 paıyzy jappaı sý basýmen, 3,3 paıyzy tamshylatyp, 10,7 paıyzy jańbyrlatyp sýarýmen qamtylǵan.
«Tamshylatyp jáne jańbyrlatyp sýarýdyń qazirgi zamanǵy ádisteri tek 210,4 myń gektar alańda nemese sýarmaly jerlerdiń 14 paıyzynda ǵana qoldanylady. Sondyqtan, sýarý kezinde ylǵal únemdeýshi tehnologııalardy paıdalaný úlesin arttyrý ózekti másele bolyp otyr.
Aýyl sharýashylyǵy taýaryn óndirýshilerdi zamanaýı ylǵal únemdegish tehnologııalaryn engizýge yntalandyrý maqsatynda ınvestıtsııalyq sýbsıdııalaý qoldanylady. Ol keltirilgen ınvestıtsııalardyń 50 paıyzyn óteýdi, sondaı-aq fermerlerdi oqytý jáne bilimdi taratý, onyń ishinde amerıkandyq Valmont kompanııasymen qurylatyn demonstratsııalyq fermalar jelisi arqyly bilimdi arttyrýdy kózdeıdi», - dedi mınıstr.
Atalǵan sýarmaly jerlerde aýyspaly egis eskerile otyryp, barlyq qajetti aýyl sharýashylyǵy daqyldary ósiriletin bolady.
«Árıne, sýarmaly eginshiliktiń artyqshylyǵy aıqyn. Sýarý esebinen ónimdiligin 2-3 ese arttyrýǵa bolatyn birqatar daqyldar bar. Qazirgi zamanǵy sýarý júıeleri qymbat bolsa da, (1 gektarǵa 1 000 AQSh dollary) olar jalpy jınalymdy ulǵaıtý esebinen eginshiliktiń osy túrin ınvestıtsııalyq tartymdy etedi», - dedi Saparhan Omarov.
Mınıstrdiń aıtýynsha, «Qarapaıym zattar ekonomıkasy» baǵdarlamasy aıasynda jylyna 6 paıyzben qarajat alýǵa bolady, sonymen qatar ınvestıtsııalyq sýbsıdııalaý baǵdarlamasy da jumys isteıdi.
Búginde Memleket basshysy alǵa qoıǵan joǵary rentabeldi daqyldarǵa kóshý, ımport almastyrý jáne sýarmaly jerlerdiń alqaptaryn 2030 jylǵa deıin 3 mln gektarǵa deıin birtindep jetkizý jónindegi mindetter aıasynda egis alańdarynyń qurylymy ázirlendi.
Budan buryn habarlanǵandaı, qazirgi ýaqytta Qazaqstanda 1,5 mln gektar sýarmaly jer bar. Olardyń basym bóligi ońtústik oblystarǵa tıesili. Ótken jyly sol jerlerdi sýarý úshin 12,3 mlrd teshe metr sý jumsaldy. Bul elimiz boıynsha tutynatyn sýdyń 67 paıyzyn quraıdy.