Qazaqstanda sýarmaly egistikterden qansha tabys tabýǵa bolady
«Mınıstrliktiń negizgi bastamalarynyń biri sýarmaly jerlerdi engizýge qatysty. Memlekettik baǵdarlama aıasynda 2021 jylǵa deıin 610 myń gektar jerdi engizý qarastyrylyp otyr, onyń ishinde 2019 jyly 124 myń gektar qamtylmaq. Arnaıy salalyq baǵdarlama ázirlendi, onyń aıasynda bolashaqta taǵy da 1,5 mln gektar sýarmaly jerdi aınalymǵa tartý qarastyrylǵan», - dedi vıtse-mınıstr Parlament Májilisinde aýyldyq jerlerde bıznesti damytýda ÁKK-ler róline arnalǵan dóńgelek ústel otyrysynda.
Onyń sózine qaraǵanda, álemdik tájirıbeni eskere otyryp, memlekettik-jekeshelik áriptestik boıynsha jeke ınvestıtsııalardy tartý arqyly qarjylandyrý modeline aýysý usynylady. Jańa qadam boıynsha tarıftik saıasat jasalyp, bul óz kezeginde ınvestıtsııalardyń qaıtarylýyn qamtamasyz etedi.
«Osy salaǵa aldaǵy 9-10 jylda 1,2 trln teńge ınvestıtsııa tartylady dep kútilýde. Bul turǵyda sýarmaly jerler aýmaǵy 3,5 mln gektarǵa jetkizilmek. Osy egistikterden alynatyn ónimniń jalpy kólemi 3,7 trln teńgeni quraıdy. Atalǵan jobalardy júzege asyrý áleýmettik-kámipkerlik korporatsııalardy qamtamasyz ete alady», - dedi Berik Beısenǵalıev.