Qazaqstanda sý joldary arqyly júk tasymaldaý kólemi artyp keledi
ASTANA. QazAqparat - 2017 jyly QR ishki sý joldary arqyly 15 mln tonna shamasynda júk tasymaldandy. Bul 2016 jylǵy kórsetkishten 16 paıyzǵa artyq. Reseımen eki ortadaǵy tasymal kólemi 350 tonnany qurady, dep habarlady Investıtsııalar jáne damý mınıstrliginiń baspasóz qyzmeti.
Keme joldarynyń qaýipsizdigin qamtamasyz etýdiń arqasynda júk tasymalynyń kólemi artyp keledi. Navıgatsııalyq jaǵdaılardy jaqsartý jumystary boıynsha 3 812 belgi qoıylǵan. Tereńdetý jumystary boıynsha (3 245 myń tekshe metr, onyń ishinde 500 myń tekshe metr Oral-Kaspıı kemejoly kanaly); túzetý boıynsha (55 myń tekshe metr); sý túbin tazalaý (10,7 myń tonna) jumystary atqaryldy. Úsh kemejoly shlıýzy jóndeýden ótken. 2017 sý joldarynyń qaýipsizdigine baılanysty kólik oqıǵalary tirkelmegen.
Elimizdegi sý joldary Ertis, Oral-Kaspıı jáne Іle-Balqash sý basseınderi arqyly júzege asyrylady. Sý joldarynyń jalpy uzyndyǵy 4040,5 shaqyrymǵa sozylǵan.
Sý joldary arqyly Qazaqstanda qum qıyrshyqtarynyń qospasy, usaq tas, qurylys materıaldary, tuz, aǵash ónimderi, shaǵyn kólemdi júkter men balyq tasymaldanady.
