Qazaqstanda sý tasqynynyń aldyn alý úshin qandaı sharalar atqarylyp jatyr
NUR-SULTAN. QazAqparat - QR Іshki ister mınıstriniń orynbasary ıÝrıı Ilın kóktemde bolýy yqtımal sý tasqynyna daıyndyq sharasy týraly aıtyp berdi, dep habarlaıdy QazAqparat tilshisi.
«Qazirgi ýaqytta Qazgıdromet uıymymen birlesip, kúsheıtilgen jumys rejımine aýystyq. 7-13 naýryzǵa jasalǵan boljam boıynsha, Qazaqstannyń qar basqan aýmaǵy jalpy aýmaqtyń 54%-yna deıin azaıdy. Buǵan deıin aıtqanymdaı, Túrkistan men Qyzylorda oblystarynda sý tasqyny qaýpi joq. Syrdarııa ózenindegi muz tolyq eridi. Shardara sý qoımasy men Kóksaraı kontretteýshisi qalypty jaǵdaıda jumys istep tur. Ondaǵy sýdyń tolýy sý resýrstary komıtetiniń kestelerine sáıkes júrgizilip jatyr», - dedi ıÝ. Ilın Ortalyq kommýnıkatsııalar qyzmetinde ótken brıfıngte.
Onyń aıtýynsha, Nur-Sultan qalasynda, Aqmola, Shyǵys Qazaqstan, Qaraǵandy, Qostanaı, Pavlodar jəne Soltústik Qazaqstan oblystarynda sý tasqyny qaýpi bar.
«Búgin Aqmola oblysynda sý tasqynyna qarsy jumystar bastaldy. 20 naýryzǵa qaraı, Pavlodar men Qostanaı oblystarynda bastalady. Soltústik Qazaqstanda muz qatpary men qar jabyny áli de bar. Sondyqtan, aıdyń sońynda aldyn alý jumystary qolǵa alynady», - dedi ıÝ. Ilın.
Buǵan deıin kóktemgi sý tasqynynan zardap shekken turǵyndarǵa 30 myń teńgeden beriletini týraly habarlanǵan edi.
