Qazaqstanda sý tasqynynan búlingen 35 jol bóligi qalpyna keltirildi
ASTANA. QazAqparat - Jol jumysshylary sý tasqynynan búlingen 35 jol bóligin qalpyna keltirdi, dep habarlaıdy «QazAqparat» HAA tilshisi «Qazaqavtojol» RMK baspasóz qyzmetine silteme jasap.
«Qazaqavtojol» RMK oblystyq fılıaldarynyń jumysshylary sý tasqynynan zaqym kelgen respýblıkalyq mańyzy bar avtojol bólikterinde nyǵaıtý jumystaryn júrgizip, eskertý belgilerin qoıyp jatyr. Táýlik boıy kezekshilik uıymdastyrylǵan.
Sý tasqyny zaqymdaǵan 35 jol bóligi boıynsha jóndeý jumystary aıaqtaldy, onyń ishinde júrý bóligindegi 180 metr jol jabyny, 7,1 myń metr jol jıegi jáne 13 dana sý ótkizetin qubyrlar qalpyna keltirildi. Qyzyl sýdyń jaıylýy toqtaǵan soń, qalǵan zaqymdalǵan jol bólikterin qalpyna keltirý jumystary júrgiziledi.
