Qazaqstanda sý tasqynyn boljaıtyn beketter tapshy - Qazgıdromet
ASTANA. QazAqparat - Qazgıdromet Іshki ister vıtse-mınıstriniń synyna jaýap berdi, dep habarlaıdy QazAqparat.
Astanada ótken baspasóz máslıhatynda Qazgıdromet mekemesiniń Gıdrologııa departamentiniń dırektory Dıdar Jánibekuly Qazaqstanda sý tasqynyn boljaıtyn beketter tapshy ekendigin jetkizdi.
Aıta keteıik, bunyń aldynda QR Іshki ister vıtse-mınıstri ıÝrıı Ilın Qazgıdromet bıylǵy sý tasqynyn durys boljaı almaǵandyǵyn aıtqan bolatyn. «Bálkim, gıdrometeo beketterdiń azdyǵyna baılanysty olar naqty boljam bere almady. Osy jańa ǵana bir jınalys boldy. Sol jerde Qazgıdromet birqatar aımaqtar boıynsha túsken qar men aýa temperatýrasyna baılanysty qate boljamdardyń jasalǵanyn moıyndady. Osyǵan baılanysty sý tasqynyna qatysty boljamdar da durys jasalmaǵan shyǵar», - dedi Ilın.
Dıdar Jánibekulynyń aıtýynsha, Qazgıdromet jyl basynan beri Qazaqstannyń 11 sý qoımasynda jaǵdaı ýshyǵatynyn habarlaǵan.
«Ókinishke oraı, Astana, Samarqand jáne Keńgir sý qoımalary boıynsha azdaǵan qatelikter ketti. Qalǵan boljamdarymyz dál keldi», - dep atap ótti ol.
«90-shy jyldardyń basynda daǵdarysqa baılanysty elimizdiń kóptegen gıdrologııalyq beketteri jabylyp qaldy. Qazirgi ýaqytta biz olardyń sanyn qaıta ulǵaıtyp kelemiz. Beketterdiń azdaǵan jelisi bizge tolyqqandy boljam jasaýymyzǵa qolbaılaý bolyp otyr», - dedi ol.
Departament basshysynyń sózinshe, elimizde 328 gıdrologııalyq beket bar. Al Búkilálemdik meteorologııalyq uıymnyń jasaǵan zertteýi boıynsha, Qazaqstanda ol beketterdiń sany keminde 800 bolýy tıis eken. «Degenmen bizde arnaıy baǵdarlama qabyldandy. Aldaǵy ýaqytta kezeń-kezeńmen gıdro, mete jáne eko stansalar sany arttyrylady», - dep túıdi oıyn D. Jánibekuly.
