Qazaqstanda sý tasqynyn boljaıtyn aqparattyq ortalyq jumysyn bastady
ASTANA. KAZINFORM – Elimizde sý tasqynyn aldyn ala boljaýǵa, sý qoımalarynyń jumysyn modeldeýge jáne sý resýrstarynyń kelý kólemin baǵalaýǵa múmkindik beretin Sý resýrstarynyń aqparattyq ortalyǵy iske qosyldy. Bul týraly Sý resýrstary jáne ırrıgatsııa vıtse-mınıstri Jandos Sálimov málimdedi.
Vıtse-mınıstrdiń aıtýynsha, ortalyqty qurý jáne onyń jumysyn uıymdastyrý máselesi Memleket basshysynyń 28 qazandaǵy Joldaýynda da aıtylǵan.
– Qazirgi ýaqytta ortalyq ashyldy, qajetti jumystardyń bári júrgizildi. Endi ol sý tasqynyn boljaýmen aınalysady. Sondaı-aq «Qazgıdrometpen» birlesip, sý kóleminiń boljamyn jasaıdy, – dedi Jandos Sálimov Ortalyq kommýnıkatsııalar qyzmetinde ótken baspasóz máslıhatynda.
Jańa ortalyq sý sharýashylyǵy nysandarynyń, sonyń ishinde sý qoımalarynyń jumysyn modeldeıdi. Mamandar olardyń jaı-kúıin, sý qozǵalysyn, sý qoımalaryna keletin sý kólemin baqylap, aldaǵy kezeńdegi sý resýrstarynyń boljamdy mólsherin baǵalaıdy.
Aıta keteıik, Aqmola oblysynda sý tasqynynyń aldyn alý jobalaryna 5,5 mlrd teńge bólindi.
Qazaqstannyń bes oblysynda kóktemgi tasqyn sýdy jer astyna jınap, sý qoryn tolyqtyrý múmkindigi zerttelgen.
