Qazaqstanda sý sharýashylyǵy ınfraqurlymyn qaıta qurý júrgizilýde
ASTANA. QazAqparat - QR Sý resýrstary komıteti sýarylmaıtyn 600 myń gektar alqapty jáne 450 myńnan astam jaıylma sýarylatyn jerlerdi sýarý úshin sý sharýashylyǵy ınfraqurylymyn qaıta qurý jumystaryn júrgizýde. Bul týraly búgin atalǵan komıtettiń otyrysynda belgili boldy.
Komıtet basshysy Islam Ábishevtiń aıtýynsha, vedomstvo búginde ákimdiktermen birlesip, jerlerdiń jaramdylyǵyn baǵalaý, sý sharýashylyǵy nysandaryn qalpyna keltirý úshin aldyn ala estepteý jumystaryn júrgizgen.
«Aǵymdaǵy jyly Almaty oblysynyń Kóksý aýdanynda jáne Jambyl oblysynyń Jambyl aýdanynda jalpy aýdany 27,3 myń gektar alqapta sýarý júıeleri qaıta qalpyna keltiriledi», - dedi ol.
Jalpy, Almaty men Qyzylorda oblystary jyl saıyn sý resýrstarynyń tapshylyǵyn bastan keshirýde. Bul máseleni sheshý úshin komıtet eki tekshe shaqyrymnan astam sý resýrstaryn únemdeýge múmkindik beretin biregeı usynysty júzege asyrýǵa kirisip ketken.
