Qazaqstanda sý sharýashylyǵynda 10 myńnan asa adam eńbek etip júr
ASTANA. KAZINFORM — Búgin, 9 shilde — Qazaqstanda sý sharýashylyǵy qyzmetkerleriniń kúni.
Búgingi tańda «Qazsýshar», «Nura toptyq sý qubyry» jáne Sý resýrstary jáne ırrıgatsııa mınıstrliginiń mamandaryn qosqanda elimizdiń sý salasynda 10 myńnan astam adam jumys isteıdi.
Mınıstr Nurjan Nurjigitov elimizdiń sý sharýashylyǵy qyzmetkerlerin kásibı merekesimen quttyqtady.
«Qurmetti áriptester, sizderge zor densaýlyq, qajymas qaırat, qyzmette tabys jáne otbasynda baqyt-bereke tileımin. Sizderdiń kúndelikti jumysyńyzdyń arqasynda qazaqstandyqtar tirshilik nárimen, al aýyl sharýashylyǵy men ónerkásip salasy el ekonomıkasyn damytý úshin qajet sý resýrsymen qamtamasyz etilgen. Sý tasqyny kezinde táýlik boıy jumys istegen mamandarǵa erekshe alǵys bildiremin. Klımattyq jaǵdaılarǵa baılanysty bıyl túrli qıyndyqqa tap boldyq. Degenmen, sizderdiń kúsh-jigerińiz, bilimińiz ben janqııarlyq eńbegińizdiń arqasynda tasqyn sýdy qaýipsiz ótkizip qana qoımaı, elimizdiń sý qoımalaryn sýǵa toltyrdyq», — dedi QR Sý resýrstary jáne ırrıgatsııa mınıstri Nurjan Nurjigitov.
